Nafarroako 4x4 Sokatira Txapelketa - Aurten Betelun ere bai

Emakumezkoak Pisu Handian - Lehenengo jardunaldia - apirilak 18

Antsoainen burutu zen lehenengo jardunaldia eta bertan Araxesko bi taldeak (A eta B) beste 7 taldeen aurka lehiatu zuten. Lortutako emaitza hobetu daiteke baina ez da txarra. 

Bi taldeetan tiralari berriak genituen eta hauek oraindik ezin dute bere %100a erakutsi, baina jardunaldian bertan hobekuntza ikusi zen hasieratik bukaerara. Hurrengo astean emaitza hobeak egon daitezkeen itxura du, zalantzarik gabe.

Sailkapena: Posizioa - Taldea - Puntuazioa

1.- Berriozar A: 9 / 2.- Txantrea A: 8 / 3.- Beti-Gazte: 7 / 4.- Txantrea B: 6 / 5.- Amaiur: 5 / 6.- Araxes A: 4 / 7.- Berriozar B: 3 / 8.- Araxes B: 2 / 9.- Antsoain: 1.

Sarrera

Ate joka dugu 2026ko Nafarroako 4x4 Sokatira txapelketa eta Araxes taldea bertan lehiatuko da. Aurten gainera, jardunaldi bat Betelura ekarri dugu eta gure kirolariak bertatik ikusteko aukera izango dugu.

Araxesek Emakumezko eta Misto modalitateetan parte hartuko du. 

• Emakumezkoak pisu haundian (255kg): Maila honetan Araxesek bi talde ditu. Bi jardunaldiko lehia da eta lehena apirilak 18an Antsoianen eta azkena apirilak 26an Donezteben burutuko da. Denera 9 talde daude.
• Emakumezkoak pisu ttikian (240kg): Maila honetan Araxes talde bakarrarekin lehiatuko da. Hemen ere bi jardunaldiko lehia dugu eta lehena Betelun maiatzak 9an eta azkena maiatzak 16ean Elizondon izango dira. Hemen 7 talde daude.
• Mistoa: Kasu honetan jardunaldi bakarreko txapelketa izango da eta Araxesek talde bakarra aurkeztuko du. Denera 8 talde daude. Saioa maiatzaren 30ean San Martin De Unxen izango da.

Ederra izango zen gizonezko eta gazte mailetan Araxes taldeak ere partaidetza edukitzea baina orain errealitate horretatik urrun gaude. Modalitate guztietan aritu izan gara noizbait eta agian noizbaiten ere bueltatuko gara. Eskerrak nesken aldetik taldea oso indartsu dagoen; segi horrela neskak!

Aurreratu bezalaxe, aurten Betelun jardunaldi bat burutuko da eta bertara gure kirolariak bultzatzera eta saio borobil bat burutzera eta Herri Kirolaren festa bat bizitzera animatzen dugu jendea.

Aupa Araxes!!

NKJ txapelketa amaitu da

Martxoaren 29an, Iruritan, burutu zen NKJ txapelketako finala eta bertara Kadeteekin heldu ginen etxera zerbait eramateko asmoarekin eta 3. saria lortuta itzuli ginen. Emaitza oso ona taldea osatzeko eta entrenatzeko izan ditugun zailtasunak kontutan hartuta.

Argazkian Laida, Eñaut, Eneko, Egoi, Alain, Adei eta Hodei, eta falta direnak Oihan, Unai eta Igor 

Aurten kirolari gutxiago izan ditugu orokorrean eta Kadete mailan taldea osatzea asko kosta da. Denboraldi hasieran bi kadete genituen bakarrik eta bati eta besteari animatzeko eskatuta urtarrila erdi aldera taldea 8 Kadete eta 2 Haurrekin itxi genuen. 

Txapelketan, Kadeteen zortzikotea finalean bakarrik elkartu zen; aurreko lau jardunaldietan Haurren laguntza paregabea behar izan da. Entrenamentuetan 4-5 lagun biltzen ziren bakarrik eta trontzako bikotea bi alditan aritu zen elkarrekin bakarrik. Horrela finalera sartzea eta saria lortzea sekulekoa da. 

Finaleko zortzikotea

Hemen duzue finaleko sailkapena:

1.  Basaburua B  10:59
2.  Basaburua A  11:30
3.  Araxes         11:57
4.  Antsoain B     13:37

Finalean sartzearekin batera Sanferminetako erakustaldian parte hartzeko eskubidea lortu dugu Kadeteekin eta Kimuekin. Azken hauek ere parte hartuko dute Araxes sailkapeneko 4. kluba gelditu zelako.

Beti bezala, gurasoei aipamen berezi batekin eskertu behar diegu kirolariei saioetara eramateagatik eta orokorrean, beti bezala, izan duten jarrera bikainarengatik. Kirol honek duen elkarren arteko errespetua eta kiroltasunaren adibidea bizia dira.

Aupa Araxes eta bere jendea!!

2011an hasi ginen txapelketan parte hartzen eta 2013an lortu genuen lehen saria. Geroztik, urtero sariren bat lortu dugu. Hain kirolari kopuru ttikiko lekuarentzat oso emaitza ona.

NKJ txapelketan denera 29 sari lortu ditugu:

• Kimuetan: 3 txapel, 2 bigarrengo eta 2 hirugarrengo.
• Haurretan: konbinadan 3 txapel, 3 bigarrengo eta 3 hirugarrengo eta sokatiran 2 hirugarrengo.
• Kadetetan: konbinadan 3 txapel, 2 bigarrengo eta 3 hirugarrengo eta sokatiran 3 hirugarrengo. 

Araxesko neskak lan bikaina egin dute Taiwanen Sokatirako Mundialean

Araxesko neska batzuk Taiwanen martxoan burutu den sokatirako mundialean lehiatu dira Ibarra taldearekin eta Euskal selekzioarekin parte hartuz. Denera 6 neska izan dira eta sari pilla bat ekarri dituzte lepotiz zintzilik.

Mundiala martxoak 12tik 15era burutu zen non lehenengo bi egunak klub/taldeen artekoak eta azken bietan selekzioen artekoak burutu ziren. Maila absolutoko taldeen erdia gure kirolariez osatu dira eta 23 urtez azpikoetan partaide bakan batzuk hartu dute parte. Hemen duzue lau egunetako kronika laburra.

Kluben arteko lehiaketa

• Emakumezkoen 500kg: Lehen egunean burutu zen kategoria hau eta Ibarrarekin semifinalean sailkatu ziren baina ezin izan zuten irabazi. Ondoren brontzezko medaila lortzeko lehiatu ziren baina azkenan, estu borrokatu ondoren, ez zuten lortu eta 4. postuarekin gelditu ziren.
• Emakumezkoen 540kg: Bigarren egunean, Ibarrarekin ere, berriz ere semifinaletan sartu ziren eta bertan, tiraldietan berdinketa egin ondoren ez zuten finalera pasatzea lortu. Ondoren berriz brontzearen lortzeko lehiatu ziren eta oraingoan bai, brontzea lortu zuten.
• Beste kategoria batzuk: Ibarra taldearekin ibiltzeaz gain, Antsoain eta Abadiñorekin ere aritu ziren mutilen eta mixto kategorietan parte hartuz, kasuren batean semifinalak bai baina medailarik lortu gabe. 

Selekzioen arteko lehiaketa

• Emakumezkoen 500kg: Euskal Herria ordezkatzeko ohorea izan dute kategoria honetan bezalaxe segidan aipatuko diren beste batzuetan ere. Berriz ere semifinaletan sartu ziren baina oraingoan, Koreari irabazita, finalera pasa ziren. Taiwan aurka aritzea egokitu zitzaien eta bertan galduta zilarra lortu zuten. 
• 23 urtez azpiko Mixtoa: Hemen neska batek partu zuen eta brontzea eskuratu zuen.
• Emakumezkoen 540kg: Beste taldekin batera liga moduan jokatu ondoren semifinalean sailkatu eta Ukraniari nagusitasunez irabazita finalean sartu ziren. Txina Taipeien aurka borrokatu zuten eta bezperan baina lan gehiago emanez azkenean galduta zilarra eskuratu zuten.
• Emakumezko 23 urtez azpikoa: Talde gutxi zeuden hemen, baina halare finalean sartu ziren. Tamalez, ez zuten Txina Taipeiri irabaztea lortu baina zilarra eskuratu zuten.

Ikusi daitekeen bezala, emaitza oso onak eta sari ugari dira lortutakoak. Zorionak Alaitz, Eneritz, Laida, Leire, Naroa eta Saioari eta azkenan ere parte hartu zuen Mattieri.

Aupa gure kirolariak eta Aupa Araxes!!

NKJ 2026 - Emaitzak

Laugarren jardunaldia - martxoak 22 - Arbizu

Jardunaldi honetan asko zegoen jokoan, Kimuen mailan bereziki. Finalean sartzeko aukera ttiki bat zegoen eta gure gaztetxoek hori lortzeko izugarrizko kemena erakutsi zuten, baina ez zen nahikoa izan. Kadeteek berriz, sailkatzeko azken koxka pasa behar zuten eta espero zen lan txukuna egin zuten.

• Kimuak: Finalean sartzeko bere txanda bereko taldeei irabazi behar zioten 4 segunduko tartearekin baina alderantziz gertatu zen eta tarte estuarengatik azkenak gelditu ziren. Kirolariek jarri zituzten indarra eta egindako lana ikaragarria izan zen, ia muturreko nekeraino ailegatuz, baina beste taldeak emaitza hobea izan zuten. Gure kirolariei eskerrak eman behar zaie, merezi dute eta. Hurrengo urtean gehiago eta hobeki.

4. Jardunaldia
Pos	Taldea	Denbo		Pos	Taldea	Denbo		Pos	Taldea	Denbo
1	Berriozar A	7:04		8	Andra Mari 2	7:30		15	Antsoain C	7:54
2	Andra Mari 1	7:05		9	Iñigo Aritza 2	7:31		16	Joakin Lizarraga C	8:02
3	Andra Mari 3	7:12		10	Igantzi	7:36		17	Antsoain D	8:10
4	Basaburua A	7:16		11	Antsoain B	7:42		18	Berriozar B	8:13
5	Joakin Lizarraga B	7:18		12	Iñigo Aritza 1	7:44		19	Antsoain A	8:23
6	Basaburua B	7:23		13	Paz De Ziganda A	7:46		20	Paz De Ziganda B	8:27
7	Araxes	7:24		14	Joakin Lizarraga A	7:54		21	Paz De Ziganda C	10:27
Azken Sailkapena
Pos	Taldea	Denbo		Pos	Taldea	Denbo		Pos	Taldea	Denbo
1	Andra Mari 1	27:21		8	Andra Mari 2	28:42		15	Berriozar B	30:02
2	Berriozar A	27:29		9	Iñigo Aritza 2	28:50		16	Antsoain D	30:35
3	Basaburua A	27:38		10	Iñigo Aritza 1	29:13		17	Paz De Ziganda B	30:37
4	Andra Mari 3	27:42		11	Igantzi	29:30		18	Joakin Lizarraga C	30:55
5	Araxes	27:57		12	Antsoain B	29:37		19	Antsoain A	30:59
6	Basaburua B	28:29		13	Antsoain C	29:55		20	Joakin Lizarraga A	31:33
7	Joakin Lizarraga B	28:29		14	Paz De Ziganda A	29:59		21	Paz De Ziganda C	33:22

• Kadeteak: Hauek sorpresarik gabeko lana egitea zuten helburu nagusi gisa eta halaxe egin zuten. Ia presiorik ez egoteak eta beste taldeen akatsek orain arte lortu ez zuten emaitza lortzera eraman zieten, izan ere, bigarren postuan bukatu zuten eta lehen postutik aurreko egunetan baina gertuagoko denbora egin zuten. Hori dela eta, finalerako sailkatu dira eta sariren bat lortzeko aukerak daude.

4. Jardunaldia
Pos	Taldea	Denbo		Pos	Taldea	Denbo
1	Basaburua B	11:19		5	Antsoain A	13:20
2	Araxes	11:28		6	Andra Mari	13:23
3	Basaburua A	11:44		7	Berriozar	14:28
4	Antsoain B	12:14
Azken Sailkapena
Pos	Taldea	Denbo		Pos	Taldea	Denbo
1	Basaburua B	42:15		5	Antsoain A	49:01
2	Basaburua A	43:07		6	Andra Mari	53:09
3	Araxes	44:48		7	Berriozar	57:09
4	Antsoain B	46:11

Aupa Araxes!!

Hirugarren jardunaldia - martxoak 15 - Altsasu

Jardunaldi honetan, gure gaztetxoek aurreko igandeko mamuak uxatu dituzte. Espero genituen baina emaitza hobeak izan ditugu eta beste taldeen emaitzek mesede pixka bat egin digute.

• Kimuak: Izugarrizko lana burutuz, dena perfekto eginez eta gogor ekiñez, jardunaldi hau irabazi zuten. Gainera, denbora aldetik aurretik dituzten taldeak bertago dituzte eta finalean sailkatzeko aukera handitu da.

3. Jardunaldia
Pos	Taldea	Denbo		Pos	Taldea	Denbo		Pos	Taldea	Denbo
1	Araxes	6:31		8	Berriozar B	6:53		15	Paz De Ziganda B	7:10
2	Andra Mari 1	6:34		9	Basaburua B	6:54		16	Antsoain D	7:15
3	Berriozar A	6:37		10	Iñigo Aritza 1	6:54		17	Antsoain A	7:22
4	Basaburua A	6:40		11	Joakin Lizarraga B	6:55		18	Paz De Ziganda A	7:23
5	Andra Mari 3	6:42		12	Iñigo Aritza 2	7ç:01		19	Paz De Ziganda C	7:23
6	Igantzi	6:48		13	Antsoain C	7:08		20	Joakin Lizarraga A	7:31
7	Andra Mari 2	6:52		14	Antsoain B	7:09		21	Joakin Lizarraga C	7:46
Sailkapena
Pos	Taldea	Denbo		Pos	Taldea	Denbo		Pos	Taldea	Denbo
1	Andra Mari 1	20:16		8	Andra Mari 2	21:12		15	Paz De Ziganda B	22:10
2	Basaburua A	20:22		9	Iñigo Aritza 2	21:19		16	Paz De Ziganda A	22:13
3	Berriozar A	20:25		10	Iñigo Aritza 1	21:29		17	Antsoain D	22:25
4	Andra Mari 3	20:30		11	Berriozar B	21:49		18	Antsoain A	22:36
5	Araxes	20:33		12	Igantzi	21:54		19	Joakin Lizarraga C	22:53
6	Basaburua B	21:06		13	Antsoain B	21:55		20	Paz De Ziganda C	22:55
7	Joakin Lizarraga B	21:11		14	Antsoain C	22:01		21	Joakin Lizarraga A	23:39

• Kadeteak: Hauen kasuan, aurreko igandeko emaitza kontutan hartuz, asmoa sailkapenean finaleko postua nolahala mantentzea zen. Hala ere, hauek bere kasta atera zuten eta emaitza oso txukuna lortu zuten. Finalean hanka t'erdi sartuta daudela esan daiteke, baina ezin da fidatu.

3. Jardunaldia
Pos	Taldea	Denbo		Pos	Taldea	Denbo
1	Basaburua B	10:21		5	Antsoain A	11:57
2	Basaburua A	10:23		6	Andra Mari	13:23
3	Araxes	11:00		7	Berriozar	13:56
4	Antsoain B	11:30
Sailkapena
Pos	Taldea	Denbo		Pos	Taldea	Denbo
1	Basaburua B	30:56		5	Antsoain A	35:41
2	Basaburua A	31:23		6	Andra Mari	39:46
3	Araxes	33:20		7	Berriozar	42:41
4	Antsoain B	33:57

Bigarren jardunaldia - martxoak 8 - Atarrabia

Jardunaldi honetako emaitzak ez dira txarrak izan, baina hobeak espero genituen. Gure partetik akats batzuk eta beste taldeen aldetik burututako lan onak gure azken emaitza apaldu dute.

• Kimuak: Bere txanda nagusitasunez irabazi zuten, eta denera iran 2. gelditu ziren, baina denera 4. gelditu ziren, baina penalizazio batengatik 6. postuan bukatu zuten. Sailkapenean 5. postuan jarraitzen dute, finalean sailkatzeko postu bakarrera.

2. Jardunaldia
Pos	Taldea	Denbo		Pos	Taldea	Denbo		Pos	Taldea	Denbo
1	Andra Mari 1	6:56		8	Iñigo Aritza 2	7:15		15	Paz De Ziganda B	7:32
2	Basaburua A	6:59		9	Paz De Ziganda A	7:19		16	Antsoain B	7:33
3	Andra Mari 3	7:02		10	Andra Mari 2	7:19		17	Berriozar B	7:34
4	Joakin Lizarraga B	7:10		11	Joakin Lizarraga C	7:22		18	Antsoain A	7:36
5	Berriozar A	7:10		12	Antsoain D	7:23		19	Joakin Lizarraga A	7:50
6	Araxes	7:12		13	Iñigo Aritza 1	7:24		20	Igantzi	7:53
7	Basaburua B	7:13		14	Antsoain C	7:26		21	Paz De Ziganda C	7:57
Sailkapena
Pos	Taldea	Denbo		Pos	Taldea	Denbo		Pos	Taldea	Denbo
1	Basaburua A	13:42		8	Iñigo Aritza 2	14:18		15	Paz De Ziganda B	15:00
2	Andra Mari 1	13:42		9	Andra Mari 2	14:20		16	Igantzi	15:06
3	Berriozar A	13:48		10	Iñigo Aritza 1	14:35		17	Joakin Lizarraga C	15:07
4	Andra Mari 3	13:48		11	Antsoain B	14:46		18	Antsoain D	15:10
5	Araxes	14:02		12	Paz De Ziganda A	14:50		19	Antsoain A	15:14
6	Basaburua B	14:12		13	Antsoain C	14:53		20	Paz De Ziganda C	15:32
7	Joakin Lizarraga B	14:16		14	Berriozar B	14:56		21	Joakin Lizarraga A	16:08

• Kadeteak: Hauek bere txandan 3. eta orokorrean 4. postua lortu zuten. Gure oker batzuk eta beste taldeen hobekuntzak gauzak estutu dizkigute. Halare sailkapenean, justu bada ere, 3. postua mantentzen dugu eta finalean sartzeko aukera onakin jarraitzen dugu.

2. Jardunaldia
Pos	Taldea	Denbo		Pos	Taldea	Denbo
1	Basaburua A	10:33		5	Antsoain A	12:08
2	Basaburua B	10:33		6	Berriozar	13:20
3	Antsoain B	10:55		7	Andra Mari	13:43
4	Araxes	11:28
Sailkapena
Pos	Taldea	Denbo		Pos	Taldea	Denbo
1	Basaburua B	20:35		5	Antsoain A	23:44
2	Basaburua A	21:00		6	Andra Mari	26:23
3	Araxes	22:20		7	Berriozar	28:45
4	Antsoain B	22:27

Lehenengo jardunaldia - martxoak 1 - Berriozar

Betiko gogo eta kemenarekin ekin diote Araxes HK taldeko kirolariek aurtengo NKJ Herri Kirol Txapelketari, eta honen ordaina lortutako emaitza onak izan dira.

• Kimuak: Bere txandan 2. gelditu ziren, baina denera 5. egokitu ziren. Finalean sartzeko justu hurrengo postuan kokatu dira eta honek itxaropena pizten du, baina zaila dela ezin da ahaztu. Beste hiru jardunaldi gelditzen dira eta ikusiko da zer mugimendu burutzen diren; maila honetan segundu gutxiren aldeak sailkapenean eragin handia izaten du.

1. Jardunaldia
Pos	Taldea	Denbo		Pos	Taldea	Denbo		Pos	Taldea	Denbo
1	Berriozar A	6:38		8	Iñigo Aritza 2	7:03		15	Paz De Ziganda B	7:28
2	Basaburua A	6:43		9	Joakin Lizarraga B	7:06		16	Paz De Ziganda A	7:31
3	Andra Mari 1	6:46		10	Iñigo Aritza 1	7:11		17	Paz De Ziganda C	7:35
4	Andra Mari 3	6:46		11	Antsoain B	7:13		18	Antsoain A	7:38
5	Araxes	6:50		12	Igantzi	7:13		19	Joakin Lizarraga C	7:45
6	Basaburua B	6:59		13	Berriozar B	7:22		20	Antsoain D	7:47
7	Andra Mari 2	7:01		14	Antsoain C	7:27		21	Joakin Lizarraga A	8:18

• Kadeteak: Hauek ere bere txandan 2. gelditu ziren, baina orokorrean 3. postua lortu zuten. Finalerako pauso sendoa eman dute, baina oraindik asko gelditzen da eta ezin da konfiatu.

1. Jardunaldia
Pos	Taldea	Denbo		Pos	Taldea	Denbo
1	Basaburua B	10:02		5	Antsoain A	11:36
2	Basaburua A	10:27		6	Andra Mari	12:40
3	Araxes	10:52		7	Berriozar	15:25
4	Antsoain B	11:32

Aupa ARAXES!!!