Emakumezkoen Nafarroako 6x6 Sokatira Txapelketa

Udaberrian Araxes taldeak sokatiran oso lan ona egin zuen 20 urtez azpikoetan txapela lortuz eta maila absolutoan misto modalitatean lan ona eginez. 

Ba honi segida emanez, gure neskek urrian burutu den Nafarroako 6x6 txapelketan, emakumezkoen maila absolutoan parte hartu zuten eta oso lan txukuna egin zuten. 

Talderik gazteena zen eta normalena tiraldirik irabazi gabe itzultzea izanen zen. Baina ez, gure neskek bere kasta erakutsi zuten eta bi taldeei irabaztea lortu zuten. Benetako marka, izan ere, azkenean hirugarren gelditu zen taldeari irabaztera ere heldu ziren eta.

Orain Araxes sokatira taldea Euskal Herriko txapelketan parte hartzeko asmotan dago 21 urtez azpiko mailan. Ea aurtengo lan onari eusten dioten.

Bestalde, Olatz eta Josu Nafarroako Trontzako finalera sailkatu ziren baina sariren bat lortzeko postu batera gelditu ziren. Dena dela, kontutan hartzeko lana egin zuten. 

Aupa Araxes!!  

2021eko udako saioak: Erakustaldiak eta Txapelketak

Aurtengo uda, iazkoa baina hobea izan arren, betikoetatik oso desberdina izan da eta honek herri kirol saio eta txapelketei nabarmen eragin die. 

• "Pestetako" erakustaldiak: Zailtasunen gainetik, "festak ospatu" dira eta tartean herri kirol erakustaldiren bat ere burutu da. Aipatzekoak, Betelu, Arribe, Errazkin eta Azkaraten, egin diren saioak. 

• Txapelketak: Kasu honetan Nafarroako txapelketan trontzan, Koxkol-bilketan eta txingetan parte hartu da helduen mailan. Trontzan Alaitz eta Olatz txapeldunorde gelditu ziren oso lan ona eginez. Josuk, Koxkoletan eta txingetan parte hartu zuen. Txingetan hirugarren gelditu zen; partaide gutxi zeuden tartean, baina hala ere parte hartzeko adorea behar da. Koxkoletan lan ona egin zuen, baina aurrekoen maila Euskalherriko txapeldunena da eta saria lortzea oso zaila da.

• Sokatira txapelketa: Urri erditik aurrera Nafarroako sokatira txapelketa, heldu mailan, burutuko da eta gure gazteak bertan lehiatzeko entrenatzen ari dira. Ea bertatik ikasgai on bat ateratzen duten. 

Aupa Araxes, eta Aupa neskak!!

Aurtengo kurtsoa bukatu da. Ez da batere erreza izan. Hasi aurretik larri ibili ginen gutxieneko kopurua lortzen ez genuelako eta ikastaroa izan edo izan kolokan egon zen. Bestalde, pandemia garai bete-betean, Nafarroak izan duen olatu txarrenean hasi ginen, baina saioz-saio, aurrera egin genuen arazorik gabe, izan ere, eta hau nabarmendu behar da, inor ez zen kutsatu herri kirol saioetan.

Txapelketan ere parte hartu genuen horrek covid aldetik suposatzen zuen guztiarekin, baina hortik ere ongi atera ginen, eta etxera merezitako sariekin bueltatu ginen.

 

Baina bukatu da, eta ongi bukatu dela ospatzeko, plazan egin ohi diren saio bat egin ondoren, otordutxo bat egin genuen.

 

 

Urtero bada adinarengatik ikastaroa uzten duenik, eta aurten Aileen eta Unai G izan dira. Azken urte hau ez da izan bukaera on bat emateko modukoa beraientzat, pena bat. Eskerrak ematen dizkiegu, beraien ibilbide luzean, Araxes taldeari eman dioten guztiarengatik. Ongi izan hemendik aurrera eta kirolean bizkor segi.

 

Datorren kurtsora arte. Aupa Araxes!!!

 

Araxes sokatiran txapeldun!!

Azkenean!! Araxes taldeak, Nafarroako sokatira txapelketan, txapela irabazi du, 4x4 - 20 urtez azpiko modalitatean . Azken aro honetan behintzat, ez zuen inoiz txapela lortu sokatiran, bai 2. eta 3. postuan gelditu, baina irabazi, inoiz.

Lorpen hau gazteen grinari esker lortu da. Aldi luze batean herri kirolak utzita zituzten batzuk, beste batzuk hasiberriak dira, eta beste batzuk beste taldeetan jasotako esperientziak taldera ekarri dituzte. Denen arteko lanak sari hau ekarri digu.

Txapelketa hiru jardunaldietan burutu zen eta azken jardunaldiaren bukaeran, sailkapeneko bi hoberenen arteko finala jokatu zen, kasu honetan Berriozar eta Araxes. Jardunaldia normalki burutu zen, baina finala tentsio haundiz josita zegoen.

Finaleko lehen tiraldian Berriozar nagusitzen hasi zen nabarmenki bukaerako mugaraino soka bere aldera eramanez, baina gureak ez zuten etsi eta izugarrizko iraulia eman zioten, herio batean soka beste alderaino eramanez, oso tiraldi luzea burutuz. Bigarren tiraldia errezagoa izan zen, hasieratik Araxesek bere aldera gelditu gabe Berriozar eramanez, azken hauen nekea aprobetxatuz.

Eskerrak kirolariei (Oier, Leire, Saioa, Josu, Naroa, Uxue, Ainhoa eta Manex) eta erakustaleei (Mattie, Alaitz eta Unai). 

Sailkapena:

Hirugarren jardunaldia - Antsoain
<20 urte
Jardunaldia			Orokorra
Berriozar	4		Berriozar	11.5
Araxes	3		Araxes	9
Antsoain A	2		Antsoain A	6.5
Antsoain B	1		Antsoain B	3
FINALA
Araxes	3		Berriozar	0

Ea Araxesen aro berri baten hasiera den hau eta helduen mailetan jarraipena duen honek. Aurretik bi alditan aritu gara, baina orain zabalago.

AUPA ARAXES!!

  

 

4x4 Sokatira Txapelketa: Emaitzak

2. jardunaldia - maiatzak 8 - Elizondo

Jardunaldi honetan, Araxes taldeak 20 urte azpiko mailan, saio ederra burutu zuen, izan ere, beste talde batekin batera lehenengo postua lortu zuen. Honekin batera finalerako postu bat lortzeko oso pausu haundia eman zuen bere segidako taldeei tartea zabaldu zuelako. Azken jardunaldian deus gutxi eginda finalerako txartela lortuko du. Okerrik ez bada, txapela, tiraldi bakar batean, finaleko tiraldian, erabakiko da.  

Sailkapena:

Bigarren jardunaldia
<20 urte
Jardunaldia			Orokorra
Araxes	3.5		Berriozar	7.5
Berriozar	3.5		Araxes	6
Antsoain A	2		Antsoain A	4.5
Antsoain B	1		Antsoain B	2

1. jardunaldia - maiatzak 1 - Txantrea

Araxes taldeak bi mailatan parte hartu zuen: Misto eta <20 urtekoetan.

Misto: Denera 9 talde zeuden eta 4 eta 5eko bi multzotan banatu zen. Araxes taldea 5eko taldean aritu zen eta hirugarren gelditu zen, finalerdietarako postu bakarrera. Lan bikaina burutu zuten. Kontutan eduki behar da taldeko zaharrenak 22 urte zituela, eta lehiaketa absolutoa zela.

<20 urte: Maila honetan ere oso lan ona egin zen. Denera 4 talde daude eta Araxes bigarren, beste talde batekin berdinduta, gelditu zen, beraz, horrela jarraitzekotan, finalean sailkatzeko bide ona darama. Are meritu gehiago du taldea tiralari berriez osaturik zegoela kontutan hartuta. Oso denbora gutxian maila dexente bat lortu dute. Zorionak eta ongi-etorriak Naroa, Uxue eta Ainhoa.

Sailkapena:

Lehen jardunaldia
Misto						<20 urte
Posizioa - Puntuazioa			Posizioa - Puntuazioa			Posizioa - Puntuazioa
Beti Gazte B	5		Beti Gazte A	4		Berriozar	4
Txantrea B	4		Berriozar A	3		Araxes	2.5
Araxes	3		Txantrea A	2		Antsoain A	2.5
Berriozar B	1.5		Antsoain A	1		Antsoain B	1
Antsoain B	1.5

 

 

 

Nafarroako 4x4 Sokatira Txapelketa

Ttikienei txanda emanez, helduen txanda da, Araxes taldeak Nafarroako sokatira txapelketan parte hartu behar baitu. Bi modalitatetan arituko gara: 

• Mistoa: Bi neska eta bi mutil 280kg azpitik. Jardunaldi bakarra izanen da eta denera 9 taldek eman dute izena.
• 20 urtez azpikoak: Honetan, neska-mutil kopuru aldetik, libre da nola osatu taldea. Hau ere 280kg azpitik da. Hiru jardunaldi burutuko dira liga moduan eta bi talde hoberenak beraien artean finala jokatuko tiraldi bakarrera. Lau taldek eman dute izena.

Jardunaldiak maiatzak 1, 8 eta 15ean izanen dira. Egingo den tokiaren arabera, publikoa egon daiteke edo ez, edozein modutara beti aforo mugatu batera murriztuta. Oraindik ez da argitu Internetez jarraitzerik ote izanen den.

Aipatzekoa da kirolari berriak ditugula, gehien bat neskak, eta esan beharra dago ere pixka bat utzita zuten kirolariak berriz elkartu zaizkigula. Oso berri pozgarria. Ongi etorriak denak, eta bereziki Ainhoa, Naroa eta Uxue.

2021eko NKJ txapelketa amaitu da

Urte zail honetako NKJen Herri kirol txapelketa bukatu da eta Araxes taldeak emaitza ona, baina gazi-gozoa lortu du.

Konbinadan Kimu (11-12 urte) eta Haur (13-14) mailatan parte hartu dugu eta bietan txapeldunorde gelditu gara.

Kimuen kasuan, saioaren lana Igantzi taldearekin batera bukatu genuen, une berean, baina epaileen kronometroak Araxesi 0.1 segundu okerrago neurtu ziguten, eta bigarren postuarekin konformatu behar izan genuen. Ondoren, bideoa ikusita, Igantzik akats bat egin zuen eta epaileak ez zion kirolariari zuzentzera behartu, eta modu horretan txapela gurea izanen zen. Benetan gertatu zena kontutan hartuta, Araxes txapelduna da.

 

Haurretan ordez, txapelketako saiorik txukunena finalean burutu genuen eta bigarren postua lortu genuen. Jardunaldi guztietan 3. eta 4. gelditu ginen, baina gure kirolariek kasta atera zuten eta emaitza bikaina izan zen emaitza. Aipatu behar da ere sokatiran behingoz talde bateri irabazi ziotela.

 

2021ko NKJ finala: Emaitza
Kimuak Konbinada			Haurrak Konbinada
Posizioa	Denbora		Posizioa	Denbora
Igantzi	6:39:54		Igantzi	9:13
Araxes	6:39:64		Araxes	9:29
Berriozar A	7:03		Berriozar	9:35
Antsoain B	7:23		Antsoain A	9:50

Ahaztu gabe, mila esker eta zorionak gure kirolariei, laguntzaleei eta gurasoei, bereziki aurtengo egoera zail hau kontutan hartuta. 

Ezin aipatu gabe utzi Mattie esatari lanean egon dela hainbat jardunaldietan eta lan oso txukuna egin duela.  

Aupa Araxes!!

2021eko NKJ txapelketa: Azken Jardunaldia

Azken jardunaldia

Martxoak 21ean burutu zen laugarren eta azken jardunaldia. Orain arte liga modura finalerako sailkapena zegoen jokoan eta Araxes taldeko konbinadako bi taldeek bertarako txartela lortu dute. Kimuen kasuan sailkapeneko lehen postua lortuz eta Haurren kasuan berriz hirugarrena.

Datorren igandean (28), finalean, bertan gertatutakoak balioko du bakarrik, onerako edo txarrerako. Ea egun bat izaten dugun eta lesio eta antzekoekin zortea dugun.

Azken jardunaldian ttikienak (Kimuak) berriz ere irabazi zuten oso lan txukuna eginez. Ertainek (Haurrak) ordez lesio eta baja ugari eta egun txarra izan zuten. Saio traketsa egin zuten, eta hala ere, beste taldeekin alderatutako postua ez zen hain txarra izan, nahiz eta denbora kaxkarra lortu. Finalean holako eguna izanez gero, etxera esku-hutsik bueltatuko gara.

Sailkapenak:

Laugarren jardunaldia
Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Araxes	6:57		Igantzi	9:29		Antsoain A	4
Berriozar A	7:18		Antsoain A	9:39		Antsoain B	3
Igantzi	7:21		Berriozar	9:43		Berriozar	2
Antsoain B	7:25		Araxes	9:44		Araxes	1
Antsoain A	7:53		Txantrea	11:05
Berriozar B	8:31		Antsoain B	11:38
Orokorra
Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Araxes	28:03		Igantzi	37:23		Antsoain A	16
Igantzi	28:56		Antsoain A	38:07		Antsoain B	12
Berriozar A	29:14		Araxes	39:40		Berriozar	8
Antsoain B	31:19		Berriozar	40:49		Araxes	4
Antsoain A	31:35		Antsoain B	44:24
Berriozar B	32:43		Txantrea	44:49

Maila bakoitzeko lehen 4 sailkatuek jokatuko dute finala.

__________    ______

 Hirugarren jardunaldia

Martxoak 14ean egin zen hirugarren jardunaldia eta oraingoan aldaketa batzuk eman dira. Kimuak lehenengoz ez dute irabazi, eta hirugarren postuan gelditu ziren irabazleengandik 5 segundutara.

Haurrak ordea aurtengo saiorik onena egin zuten bai konbinadan, bai sokatiran. Konbinadan hirugarren gelditu ziren, baina irabazlengandik 14 segundutara bakarrik. Sokatiran, behingoz, tiraldi bat irabazi zuten, aurten saririk lortzea oso zaila izanen da, baina harrotasun puntua erakusteko eta datorren urterako ikasteko balio du.

Sailkapenak:

Hirugarren jardunaldia
Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Igantzi	7:05		Igantzi	9:11		Antsoain A	4
Berriozar A	7:05		Antsoain A	9:12		Antsoain B	3
Araxes	7:10		Araxes	9:25		Berriozar	2
Antsoain A	7:42		Berriozar	10:17		Araxes	1
Antsoain B	7:53		Antsoain B	10:54
Berriozar B	8:06		Txantrea	11:03
Orokorra
Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Araxes	21:06		Igantzi	27:54		Antsoain A	12
Igantzi	21:35		Antsoain A	28:28		Antsoain B	9
Berriozar A	21:56		Araxes	29:56		Berriozar	6
Antsoain A	23:42		Berriozar	31:06		Araxes	3
Antsoain B	23:54		Antsoain B	32:46
Berriozar B	0:12		Txantrea	33:44

____________ ___

Bigarren jardunaldia

Martxoak 7an burutu zen bigarren jardunaldia eta bertan gure Kimuak sendo, berriz ere irabazi zuten, aurrekoan baina alde haundiagoa ateraz beste taldeei.

Haurrak konbinadan ez zuten oso egun ona izan eta denbora txarragoa egin eta postu bat okerrago bukatu zuten. Dena dela, sailkapene orokorrean hirugarren postua mantentzen dute eta finalerako sailkapena ez dago arriskuan. Sokatiran itxura hobea eman zuten eta tiraldi bat baina gehiago lehiatu zuten, baina berriz ere lautik azkenak gelditu ziren.

Sailkapenak:

Bigarren jardunaldia
Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Araxes	6:58		Igantzi	9:16		Antsoain A	4
Igantzi	7:22		Antsoain A	9:30		Antsoain B	3
Berriozar A	7:30		Berriozar	10:11		Berriozar	2
Antsoain A	7:55		Araxes	10:30		Araxes	1
Antsoain B	7:59		Antsoain B	10:33
Berriozar B	8:04		Txantrea	11:13
Orokorra
Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Araxes	13:56		Igantzi	18:43		Antsoain A	8
Igantzi	14:30		Antsoain A	19:16		Antsoain B	6
Berriozar A	14:51		Araxes	20:31		Berriozar	4
Antsoain A	16:00		Berriozar	20:49		Araxes	2
Antsoain B	16:01		Antsoain B	21:52
Berriozar B	16:06		Txantrea	22:41

__________________

Lehenengo jardunaldia

Otsailaren 28an burutu zen lehen jardunaldia eta berez gure inguruan egun tristrea zena pixka bat pozteko adinako saioa egin zuten gure kirolariek, izan ere, oso lan ona egin zuten.

Konbinadan, Kimu mailan Araxesek egin zuen denborarik hoberena eta Haur mailan berriz hirugarren postua lortu zuten. Lehen lau jardunaldiak finalean sailkatzeko balio dute eta finalerako txartela lortzeko oso pauso handia eman dute bi taldeek.

Sokatiran, Haur mailan gauza ez zen ongi joan. Lesioak eta bata-beste, azken postuan gelditu ziren, baina postua hobetzeko itxaropena pizturik utzi zuten eta hirugarren postua lortzea ez dago hain urruti.

Segidan hiru sailkapenak:

Kimuak Konbinada			Haurrak Konbinada			Haurrak Sokatira
Posizioa	Denbora		Posizioa	Denbora		Posizioa	Puntuazioa
Araxes	6:58		Igantzi	9:27		Antsoain A	4
Igantzi	7:08		Antsoain A	9:46		Antsoain B	3
Berriozar A	7:21		Araxes	10:01		Berriozar	2
Berriozar B	8:02		Berriozar	10:38		Araxes	1
Antsoain B	8:02		Antsoain B	11:19
Antsoain A	8:05		Txantrea	11:28

Aupa Araxes!!