Laugarren eta azken jardunaldia - Igantzi - 2022/04/03
Jardunaldi
honetarako helburu nagusia finalerako giltzak lortzea zen eta gure kirolariek lortu dute, lan txukun eta ona eginez.
Orain dena hutsetik hasten da. Aurreko lanak ez du abantailarik ematen. Egun horretan den-dena eman beharko da aurreko jardunaldien emaitza onak merezitako sarietan bihurtzeko.
Gaztetxoenak berriz ere irabazi zuten, jardunaldi guztien eta talde guztien arteko denborarik hoberena lortuz: benetako erakustaldia. Ea finalean beste horrenbeste egiten duten eta txapela etxera ekartzen dugun.
Haurrak - KonbinadaHaurren kasuan, helburua sailkapen nagusian bigarren postua mantentzea eta lan txukuna egitea zen eta ederki bete zuten.
Maila honetan jardunaldi batetik bestera alde haundiak eman dira talde eta denboren aldetik. Oso zaila da aurreikuspen bat egitea. Dena gertatu daiteke: zaila irabaztea baina azkena gelditzea oso harritzekoa litzateke. Auskalo.
Haurrak - Sokatira
Soka kontuan ez genuen egunik hoberena izan. Aurreko jardunaldian lortutako abantaila galdu genuen eta finaleko egunean gogor aritu beharko da saria duen hirugarren postua lortu ahal izateko.
Sailkapenak
- Kimuak
- Haurrak Konbinada
- Haurrak Sokatira
Hirugarren jardunaldia - Altsasu - 2022/03/27
Jardunaldi honetan atzera pauso ttiki bat egin da arlo guztietan, baina ez da batere larritzekoa. Hontatik ikasgaia ateratzeko aitzakia emango digu. Bistan dago beste
taldeak ez direla hankamotzak eta hobetzen ari direla. Finalerako bidean jardunaldi bakarra gelditzen da eta finala ia poltsan dugu maila guztietan.
Kimuak - Konbinada
Gaztetxoenak bi segundu eskasengatik bigarren gelditu ziren, baina hurrengoetan hobeki egin dezaketela badakigu. Dena dela, lan ona egin zuten. Hainbeste taldeen artean ez da batere erreza.
Haurrak - KonbinadaHauen lana ere txukuna izan zen, baina beste taldeak bezala hobetu beharra dago gure gazteak merezi duten saria lortzeko.
Haurrak - Sokatira
Altsasuko plazak duen aldapak kalte dezente egin zigun eta sarien postuetatik aldendu digu. falta diren bi jardunaldietan gogor ekin beharko zaio sariren bat lortzeko. Eutsi!
Sailkapenak
- Kimuak- Haurrak Konbinada
- Haurrak - Sokatira
Gure taldeak lehenengo jardunaldi onari segida eman zioten, eta haurren kasuan baita hobetu ere. Oker handirik ez bada, bi taldeak Betelun jokatuko den finalean parte hartuko dute. Aupa ARAXES!!
Kimuak - Konbinada
Gureak berriz ere, meritu handiz, lehenak gelditu ziren jardunaldi honetan. Honek beste taldeekiko tartea handitzea suposatzen du. Zorionak!
Haurrak - Konbinada
Hauek ere oso lan ona egin zuten, izan ere, deskuido ttiki batzengatik ez balitz, saioa irabazteko aukera izanen zuten. Azkenean, aurreko jardunaldian bezala, bigarren gelditu ziren. Hauei ere, zorionak!
Haurrak - Sokatira
Lehenengo jardunaldian bat gutxiagorekin aritu ziren, baina oraingo honetan, kirolari guztiekin, 4 tiralditik bi irabazi, bat berdindu eta bat galdu zuten. Honek sailkapenan gorakada suposatzen du eta honela jarraituz sarien postuetara heltzea ere hor dago. Animo!
Sailkapenak
- Kimuak
- Haurrak Konbinada
- Haurrak Sokatira
Lehen jardunaldia - Antsoain - 2022/03/13
Txapelketari Antsoainen eman zaio hasiera, eta COVID aurreko garaietara itzuli garela esan daiteke, maskaren erabilpena salbuespen: talde pila bat, frontoia jendez gainezka... gozada bat.
Gure taldeek gaizki ohitzen ari zaizkigu eta urtero bezala, lehenengo postuetan kokatu dira. Aurten finala Betelun jokatuko da eta bertan talderen bat sailkatzea zaila jotzen genuen, baina gure gaztetxoek bere sena erakutsi dute eta pausu oso handia eman dute etxean lehen sariak lortzeko borrokan sartzeko. Aupa ARAXES!!
Kimuak - Konbinada
Maila honetan 21 taldek parte hartzen dute eta hala ere lehenengoak gelditu dira. Lehenak eta minutu erdiko tartea finalean sartzeko lehian. Zoriontzea besterik ez da geratzen, ezin da hobeki hasi.
Haurrak - Konbinada
Hauek ere oso lan ona egin zuten. 7 taldetik bigarren sailkatu ziren eta finalean sailkatzeko 44 segunduko tartea ireki zuten. Hauei ere zorionak, noski.
Haurrak - Sokatira
Haurren mailan 5 talde daude eta jardunaldi guztiak liga modura jokatuko dira, puntuak pilatuz. Atzokoa ez zen egun ona izan, azkeneko taldearekin berdinduta gelditu baitziren azkenean taldekide bat gutxiagorekin lehiatu behar izan zutelako, pena bat. Hurrengo jardunaldietan denak prest egotea espero dugu eta lehen hiru postuetan, sarien postuetan sartzea da asmoa.
Sailkapenak
