Garai bateko Herri-Kirolariei omenaldia

Abenduak 9an, Araitz-Beteluko Aste Kulturalaren barnean herri kirolsaio berezia burutu zen. Bertan duela urte batzuk gure bailararen izenean aritu ziren kirolariak omendu ziren.

Saioari gure gaztetxoek eman zieten hasiera; kimu, haur eta kadeteez osaturiko bi taldek erakustaldia burutu zuten.

Ondoren, 21 urtez azpikoak eta beteranoak elkarren aurka lehiatu ziren saio berezi eta txukuna eskeiniz. Beteranoetan Martin, Txipu, Gaizka, Battolo eta Estanga aritu ziren.

Segidan, Ipiarre eta Battolo aritu ziren aizkoran txanda librean, Ibai Soroa eta Txomin Amundarainekin batera.

Bukatzeko, garai bateko nesken sokatira taldea oraingo taldearen aurka aritu zen saio oso polita eta xarmaz betekoa emanez.

Eskerrik asko parte hartu zuten kirolariei, beteranoei bereziki, izan ere, saio txukuna erakusteko asmoz entrenatzen serio aritu bait ziren.

Hemen dituzue saio honen argazkiak.

Gora Herri Kirolak eta Aupa Araxes eta Araitz-Betelu.

 

 

Euskal Herriko Sokatira Txapelketa - Txapeldunordeak!

Hala da, bai, Euskal Herriko Txapeldunordeak! sekulakoa gure neskek egindakoa... Zorionak!!

Azaroak 11an Ibarran jokatu zen emakumezkoen 250kg 4x4 modalitatean, izugarri sufrituz eta denak emanez lortutako saria da hau.

Bertan Lesakako Beti-Gazte eta Ibarra talde ahaltsuak zeuden eta justu bi hauen tartean sailkatu zen. Beti-Gazte taldearen aurka jokatutako tiraldietan berdinduta gelditu ziren eta berdinketa hori hausteko beste tiraldi bat egin behar izan zuten, honetan hortzak estututa garaile ateraz.

Ibarrako kirolariek etxeko berotasunaz baliatu ziren, baina Ibarrakoen txaloak Araxes talderaino ere iritsi ziren, izan ere Araxesko hainbat kirolarik bertan entrenatu eta lehiatzen bait dute. Honen adibide nabarmena da Ibarrako lauko txapeldunean gure ere baden Laida Zabaleta zegoela. Zorionak Laida! txapeldun!

Sailkapena: Ibarra 5 puntu / Araxes 4 puntu / Beti-Gazte 3 puntu / Antsoain 2 puntu / Badaiotz puntu 1.

Berriozarko Euskal Herriko txapelketa ez ofiziala - azaroak 19

Jardunaldi hau, taldeek, federaziotik kanpo antolatutakoa izan zen. Bertan sokatiraren egun osoko jarfuna burutu zen, bazkaria eta beste ekitaldi batzuk tartean zeudelarik. 

Kasu honetan, Araxes taldearen asmoa txapelketetan aurretik aritu gabeko kirolariak lanean jartzea zen, ofizioa hartzen joateko. Hasiera izateko oso lan txukuna egin zuten. Sarri punttuan jartzeko moduan egongo dira.

Aipatzekoa da Ibarrak nesketan txapela gure kirolariekin lortu zuela. Taldeko laukoan Laida, Saioa eta Leire zeuden. Zorionak neskak!

Aupa Araxes!!

Nafarroako Sokatira Txapelketa 2023

   6x6 Emakumeak 380kg - Azken jardunaldia  

Beran azaroak 5ean jokatu zen bigarren jardunaldiarekin bukatu zen aurtengo emakumezkoen 6x6 380kg modalitatea.

Jardunaldi honetan aurrekoan egindako lan txukuna hobetu zuten. Bost tiraldietatik bat irabazi, bi berdindu eta bi galdu zituzten. Talde oso gaztea izateko emaitza ona lortu dute.

Oso adierazgarria da tiraldi guztien hasieratan soka Araxes aldera joan zela; bistan da gure neskek behar den indarra eta potentzia badutela. 

Hobetu behar dutena erresistentzia da bereziki: erresistentziak huts egiten digunean, deskoordinatzen gara, falta dezente egiten ditugu eta lurrean bukatzen dugu. Gauz hauek eskarmentuak eta beteranotasunak ematen ditu. Eutsi!

Segi hola neskak! ...eta aupa Araxes!!

Bigarren Jardunaldiko Sailkapena:

Beti-Gazte: 6p / Amaiur: 5p / Berriozar: 4p / Araxes: 3p / Txantrea: 2p / Antsoain: 1p 

Sailkapen Orokorra:

Beti-Gazte: 12p / Amaiur: 10p / Berriozar: 8p / Txantrea: 5p / Araxes: 5p / Antsoain: 1p   

 

   6x6 Emakumeak 380kg - Lehen jardunaldia  

Aurtengoan neskak bakarrik ari dira lehian. Mutil nahikorik ez zegoela eta, ez da parte hartu ez misto ez gizonezko modalitateetan.

Gure neskek bai hartu dute parte, azken deialdi guztietan bezalaxe. Neskak parte hartzen ari diren modalitatea 6x6 380kg da.

Denera bi jardunaldi izango dira eta lehenengo hau Elizondon jokatu zen, urriaren 29an.

Bertan lan txukun samarra egin zuten gure neskek. Tiraldi bat irabazi, beste bat berdindu, beste batean irabazteko puntuan faltengatik galdu eta beste bietan galdu. Kontutan eduki behar da bertan partaide berriak daudela eta oraindik zaildu gabe daudela. Oraindik ez dute denbora nahikoa izan, baina lanean jarraitzen dute eta gorantzko bidea hartuko dute, zalantzarik gabe.

Beran jokatuko den hurrengo jardunaldiarekin amaituko da txapelketa eta bertan Elizondoko saio txukuna hobetzea izango da helburua.

Sailkapena:

Beti-Gazte: 6p / Amaiur: 5p / Berriozar: 4p / Txantrea: 3p / Araxes: 2p / Antsoain: 1p

2023-2024 kirol-ikasturtea martxan da

Aurten ere, urriarekin batera, herri kirol ikastaroa martxan jarri da. Urtero bezala bada kirolari berririk eta utzi duenik ere.

Partaide kopuru aldetik, inoizko zenbakirik handiena dugu, denera 26 kirolarirekin. Hori bai, bi desoreka ditugu: batetik nesken kopurua baxua (6) mutilenekin alderatuta, eta bestea ttikienetan talde oso juxtua dugula.

Adin/mailaren arabera hiru ataletan banatuta daude, eta hauek dira aurtengo kirolariak:

• Kimuak: Haritza, Alain, Maia, Enaitz, Bittor eta Kaiet
  

• Haurrak: Hegoi, Hodei, Imanol, Jon, Eñaut, Artizar, Adei eta Eneko
  

• Kadeteak: Conor, Eider, Iraide, Janire, Izarne, Inge, Eros, Mattin, Lander, Mikel, Malloa eta Jurgi,

Aurtengo txapelketako datak ere ezarrita daude eta otsailak 25etik martxoak 24era izango da. Ea aurten ere, urtero bezala, lan txukuna egiten dugun.

2022-2023 kurtsoarekin batera bere ibilbidea bukatu zuten kirolariak edota herri kirolak utzi dutenak aipatu behar dira. Beraien ibilbidean jarrera bikaina eta lan ederra egin zuten bai saioetan, bai txapelketetan, eta orain guzti hori aitortzea egokitzen zaigu.

Beraz, Nahiane, Izei eta Mikel A, mila esker, ongi izan eta hurrengo arte!!

Araxes 21 urtez azpikoen Nafarroako Proba Konbinatuko txapelketan Txapeldun

Gure gazteek, aurten ere iaz bezala, nagusitasun osoz, herri kirol proba konbinatuan Nafarroako txapela lortu dute.

Txapelketa liga moduan jokatu da hiru jardunalditan. Jokatutako jardunaldi guztietan nahiko errez irabazi diete beste taldeei eta sailkapenean tarte handi samarra atera diete besteei.

Lorpen honi emakume kopuru haundieneko taldea izan dela erantsi behar zaio. 

Aurten tamalez ez da helduen taldea atera nahiko kirolari bildu ez zelako. Ea datorren urtean berriz ateratzen dugun.

Jardunaldietako emaitzak:

1. jardunaldia - Elizondo
Pos.	Taldea	Denbora	Puntuak
1	Araxes	17:18	3
2	Berriozar	20:22	2
3	Antsoain	20:28	1
2. jardunaldia - Burlata
Pos.	Taldea	Denbora	Puntuak
1	Araxes	16:33	3
2	Antsoain	19:12	2
3	Berriozar	19:22	1
3. jardunaldia - Antsoain
Pos.	Taldea	Denbora	Puntuak
1	Araxes	16:50	3
2	Berriozar	17:41	2
3	Antsoain	18:05	1
Orokorra
Pos.	Taldea	Denbora	Puntuak
1	Araxes	50:41	9
2	Berriozar	57:25	5
3	Antsoain	57:45	4

Zorionak gaztek eta Aupa Araxes!!

2022-2023 denboraldia amaitu da hainbat saio burutuz

Aurtengoa ere bukatu da, baina ez nolanahi; amaiera bikaina eman zaio saio asko eta onekin. Hemen dituzue denak azkenekotik aurrenekora:

Sanfermiñetako erakustaldia (uztailak 10-12): Gaizki ohitzen hasiak gara urteroko zita bihurtu zaigulako, baina gogoratu behar da bertan Nafarroako finalistak bakarrik parte hartzen dutela; ez da edozein joaten. Aurten gainera Kimu, Haur eta Kadetetan parte hartu dugu, hori egiten zuen talde bakarra izanik. 

Helduek ere parte hartu zuten talde modura sokatiran 2. postua lortuz, emaitza bikaina! Bakarka Naroa Erbitik ingudeko txapelketan eta Josu txinga eta aizkoran ere aritu ziren. Bi hauek ez zuten sailkatzea lortu.

Gure kirolariek, beti bezala, oso lan txukuna egin zuten.

Beteluko festak (uztailak 2): Aldi luze xamarra zen Beteluko festetan azkenengoz egon giñenetik, baina aurten tartetxoa egin ziguten eta gaztetxoek bere herrian beraien dohaiak erakutsi zituzten.  

Herri Kirol Eguna (ekainak 17): Egun bikaina hauxe... Pandemia aurretik guraso eta kirolarien elkartasun egun bat ospatzen zen eta aurten izugarrizko arrakastaz berreskuratu genuen. Aurten gainera, ohizko gaztetxo eta gurasoen arteko herri kirol saioa eta ondorengo bazkariaz gain, sokatirarako txirringaren inaugurazioa eta aizkora apustua erantsi zitzaizkion. Eskerrik asko parte hartu zenutenei eta bereziki hau aurrera ateratzeko lana asko egin zenutenei.  

Araxes eskolari txapelketako sari ematea (ekainak 15): Duela urte batzuk, Araxes taldeak lortu zuen bere lehenengo saria Araxes eskolari eman zion eta aurten ere horixe egin genuen. Saria emateaz gain, gure kirolariek erakustaldi bat egin zuten eta ondoren bertako ikasleei HK tailer bat eskeini zieten eta ondoren ikasitakoarekin saio bat egin zuten. Mila esker Araxes eskolari eta bere irakasleei. 

Ikastaroaren kurtso bukaera (ekainak 8): Urteroko legez, kurtsoari bukaera emateko saio ttiki bat egin eta ondoren otordutxo bat egiten dugu. Aurtengoan kasualitatez Adeik miña hartuta halako susto bat izan genuen denok baina bera gogoan edukiz ospakizuna burutu genuen.

Araxes eta Ibarberri eskolako umeen eguna (maiatzak 6 +ekainak 10): Aurreko urte guztietan bezala, eskolako kurtsoa bukatu aurretik, Larraungo eta Araitzko eskolako umeei HK saiotxo bat eskeintze zaie beraiek probatu eta ezagutzeko. Saio hauek guraso elkarteek antolatuak izaten dira. 

Aupa ARAXES!! ✌💪

Araxes taldeak Nafarroako 4x4 Sokatira txapelketan lan txukuna egin du

Denboraldia amaitu da Nafarroako 4x4 sokatira txapelketarekin eta Araxesek txapelketa honetan zituen bi helburuak bete ditu. 

Alde batetik kirolari berriak lehiaketan lehen pausuak emateko asmoa zegoen eta alde hortatik txukun joan da gauza. Beste alde batetik hortzak erakutsiz lehiatzea zegoen eta saria lortu izana nahiko erakusgarri da honetan ere helburua bete dela.

4x4 Sokatira txapelketan 7 modalitate zeuden eta Araxesek 3tan parte hartu du: 

• Emakumezkoak pisu handian: Honera ikastera azaldu ginen eta 7 taldetatik 5. gelditu ginen, 4. postutik puntu erdira.
• Emakumezkoak pisu ttikian: Hemen, lehiatzeko asmoz, bi talde aurkeztu genituen eta 3. saria eta 4. postua lortu genituen. 2. postua gertu ibili zen baina azkenean eskutatik ihes egin zigun. Denera 6 talde zeuden.
• Mistoa: 5. postuan gelditu ginen 7 taldetatik, baina puntuz hirugarrenarekin berdinduta; egindako faltak kendu ziguten saria eskuratzeko aukera.
• Gizonezkoak: Pena bat da baina ez dugu jenderik talde gisa aurkezteko. Hala ere, Mattiek Berriozarrekin, pisu ttikian, azpitxapeldun izatea lortu zuen.
• 20 urtez azpikoak eta Kadeteak: Hemen aurten ez dugu talderik aurkeztu kirolari faltagatik. Beste urte batzuetan atera izan dugu eta datorren urtean seguruenik ere berriz aterako dugu.

Zorionak kirolariei egindako lan gogor eta txukunarengatik. Aupa ARAXES!!!

NKJko Txapelketa amaitu da eta ARAXESek emaitza oso onak lortu ditu berriz

2023ko NKJko Herri kirol txapelketako finala Sunbillan jokatu zen apirilaren 2an eta oraingoan ere Araxes HK taldeak emaitza oso onak lortu ditu. Jokatu diren bost sailetatik lauetan lortu du sariren bat eta konbinada guztietan saria lortu duen talde bakarra da. Hain talde ttikia izanik izugarrizko meritua du honek; gaztetxo hauek gaizki ohitzen ari zaizkigu.

Kimuak: Gazteenek etxerako lehenengo saria lortu zuten 3. postua lortuz. Amaitu bezain laster gustu gazi-gozoko emaitza izan zen, izan ere, segundu erdira ailegatzen ez zen tarteak 2. postura ez heltzeak suposatu bait zuen. Kirolariek azkeneko indarrak gastatu zituzten eta zoriundu besterik ez da gelditzen. Txapelketa osoko ibilbidea ikusita punttu bat azpitik geratu ziren, baina hotzean ikusita lortutakoa latza da: 27 taldetatik 3. gelditzea, 7 kirolarirekin bakarrik... ikaragarria.

Haurrak konbinada: Hauen kasuan, beraiek ziren faborito nagusiak, baina egun bakarrean dena jokatzen denean ezin da jakin. Hala ere, ohi baina estuago izan bazen ere, txapeldunak geratu ziren. Lan oso txukuna egin zuten eta txapelketa osoan egindako lanak merezi zuen saria eman zien. 

Haurrak sokatira: Kasu honetan 3. postua lortu zuten, emaitza ona dudarik gabe. Saio honetan nahikoa zuten tiraldi bat irabaztea baina hala ere 3 taldeei irabazi zieten eta beraientzat bigarren saria izango zena lortu zuten.

Kadeteak: Helduenak ohorea besterik ez zuten jokoan. Saioa borobiltzeko asmoz konbinada eta sokatira saio bana jokatu zuten eta lan txukun samarra eginda bukatu zuten. Txapelketa aurreko jardunaldian bukatu zen baina egun honetan jaso zuten merezitako 2. postua konbinadan.

Sailkapenak:

Kimuak Konbinatua

Haurrak Konbinatua

Haurrak Sokatira

Kadeteak Konbinatua

Pos

Taldea

Denbo

Pos

Taldea

Denbo

Pos

Taldea

Punt.

Pos

Taldea

Punt.

1

Andra Mari 5

6:36

1

Araxes

8:40

1

Hotsein

30

1

Igantzi

20

2

Andra Mari 4

6:43:20

2

Andra Mari 3

8:47

2

Berriozar

24

2

Araxes

14

3

Araxes

6:43:66

3

Igantzi

9:35

3

Araxes

19

3

Antsoain

11

4

Antsoain A

7:14

4

Berriozar

9:44

4

Antsoain A

15

4

Antsoberri

9

Aipamen berezia: Inoiz ez naiz aspertuko berdina esateaz. Emaitza onak izateko inguru guztiak eragina du eta kirol gai eta xehetasunez gain, gurasoek eta ingurukoek duten jarrera, ematen duten bultzada eta jartzen duten giro bikainari eskerrak eman nahi dizkiet. Eskerrik asko!! eta AUPA ARAXES!!!