Herriz-Herri Txapelketa 2025

Araxes taldeak beste behin Herriz-Herri txapelketan parte hartuko du. Txapelketa hau proba konbinatuaz osatzen da eta adinaren arabera bi modalitatetan banatzen da:

• Gazteak: Modalitate hau 20 urte bitarteko kirolarientzako da eta bertan hurrengo lanak burutu behar dituzte hiru txandetan:
• Koxkolak: 12 koxkol, 1'25 metroko tarteaz bananduta.
• Zakua: 20 kgko zakuarekin 4 itzuli bi kirolarien artean txandatuz.
• Txingak: 25 kgko txingekin 6 plaza.
• Korrika: 6 itzuli bi laisterkarien artean txandatuz.
• Trontza: Metroko enborrari 3 korte.

Jokatu duten bi aldietan (2022 eta 2023) txapela lortu dute, baina oraingo honetan taldea gazteagoa da. Lan ona egingo dutela seguru.

• Helduak: Kasu honetan bi proba konbinatu desberdin burutzen dira:
• Lehen proba:
• Koxkolak: 15 koxkol, 1'25 metroko tarteaz bananduta.
• Zakua: Zakuarekin 4 itzuli bi kirolarien artean txandatuz. Gizonezkoek 40 kgko zakua eta emakumezkoek 30ekoa.
• Aizkora: Metroko enborra gizonezkoa bada eta oin batekoa emakumea bada.
• Korrika: 6 itzuli bi laisterkarien artean txandatuz.
• Trontza: Metroko enborrari 4 korte.
• Bigarren proba:
• Txingak: Gizonezkoek 50kgko txingekin eta emakumezkoek 25 kgkoekin 10na plaza bakoitzak.
• Ingudea: Gizonezkoek 18kgkoarekin eta emakumezkoek 9koarekin, bakoitzak minutu batean ahalik eta altxaldi gehien.

Kasu honetan behin bakarrik  parte hartu da (2022) baina orduan ere emaitza onak lortuz, izan ere, Lehen Proban bigarren eta Bigarren Proban txapela lortu zuten. 

 Saioen egutegia: 

• Uztailak 25 - 17:30 - Elizondo: Helduak
• Abuztuak 2 - 18:00 - Antsoain: Gazteak
• Abuztuak 9 - 18:00 - Larraintzar: Helduak eta Gazteak
• Abuztuak 17 - 19:00 - Burlata: Gazteak

2022ko taldea sariekin Aupa Araxes!!

Sanferminetako saioak

Aurten ere Araxes taldeak parte hartu du sanferminetan burutzen diren herri kirol saioetan.

• Kadeteen Proba Konbinatua: Nafarroako txapelketan finala jokatu zutenak izaten dira erakustaldian parte hartzera konbidatuak. Bertan finalean lortutako txapelari eusteko ardura zuten gure kadeteek eta erreztasun nabarmenarekin irabazi zuten saioa. Bertan ere trontza txapelketan aritzekoa zen bikote bat baina partaidetako batek uko egin zion parte-hartzeari.

• 4x4 Sokatira Mistoa: Bertan sokatirako lehiaketatxo bat burutu behar zen baina euriarekin ezin egin. Horren ordez giza-probako erakustaldi bat antolatu zen eta bertan Josuk parte hartu eta irabazi zuen.

• Txinga Erutea: Josuk hemen ere parte hartu zuen eta 3. postuan bukatu zuen. Gazte animatua eta bizkorra benetan. Hori duk!

• Aizkora Bikoteka: Zuzenean Araxeskoak ez dira, baina gure herrialdek aipatzekoa da Ibai eta Txominek Nafarroako txapelketa irabazi zutela.

Aupa Araxes!!

Araxesko neskak Nafarroako 4x4 Sokatira Txapelketan

Sokatiran, Nafarroan urtean bi zita izaten dira: lehena orain udaberrian eta bestea udazkenenan. Oraingo hau 4x4koa da eta, azken urteetan bezala, gure nesken errepresentazioa bertan da.

Txapelketa honetan gizonezko, misto, kadete eta 20 urtez azpikoen modalitateak ere badaude. Aurreko urteetan guztietan parte hartu izan dugu, baita lan bikaina egin ere, txapelak tarteko, baina orain nesken taldea dugu bakarrik, eta pozik.

Emakumezkoen artean, pisuaren arabera, bi mota daude. Bakoitza bi egunetan banatutako lehia bakarrean burutzen dira.

Eskerrik asko eta animo talde osoari. Aupa Araxes!!

• Emakumezkoak pisu ttikian (240kg): Modalitate hau maiatzak 24ean Txantrean eta maiatzak 31an Elizondon burutu da. Gure neskek hemen talde bakarra aurkeztuko dute eta denera 8 talde lehiatu dira.

Aurkeztutako taldearen helburua tiralari berriak lanean jartzea eta ikastea zen. Normala den bezala, hobetu beharreko detaileak egon dira, baina egindako lanarekin, orokorrean, pozik daude. Segi lanean neskak! 

Sailkapen Orokorra Emakumeak 240kg
Pos.	Taldea	Punt.		Pos.	Taldea	Punt.
1	Txantrea A	8		5	Antsoain B	4
2	Berriozar A	7		6	Berriozar B	3
3	Amaiur	6		7	Araxes	2
4	Txantrea B	5		8	Antsoain A	1

• Emakumezkoak pisu handian (255kg): Apirilak 26an Donezteben eta maiatzak 11an Berriozarren burutu da lehen modalitatea eta bertan Araxesek bi taldekin parte hartu du. Denera 10 talde ziren eta Araxes erdi parean, pixko bat azpitik gelditu da. 
  

Sailkapen Orokorra Emakumeak 255kg
Pos.	Taldea	Punt.		Pos.	Taldea	Punt.
1	Beti-Gazte A	10		6	Araxes A	4,5
2	Berriozar A	9		7	Araxes B	4,5
3	Beti-Gazte B	8		8	Amaiur	3
4	Txantrea A	6,5		4	Berriozar B	2
5	Txantrea B	6,5		5	Antsoain	1

 

 

NKJko Herri Kirol Txapelketa bukatu da eta Araxes Txapeldun!

Azken urteetan bezala, erreza ez bada ere, apirilak 13an Altsasun jokatutako NKJko Herri Kirol txapelketako finalean parte hartu du Araxes taldeak. Hori gutxi ez balitz, Kadete mailako proba konbinatuan txapela eta sokatiran 3. postua irabazi zituen; sekulakoa!

Proba konbinatua: Finaleko jardunaldia proba konbinatuarekin hasi zen eta hasi aurretik lehia oso estua izanen zela aurreikusten zen. Gure kirolariek lehen txanda oso parean bukatu zuten, bigarrenean aldetxoa atera zuten, baina garaipena lortzea kosta zen Basaburuak asko estutu zuelako azken lanean.  

Lau segunduko alde eskasak erakusten du oso gutxigatik irabazi zutela. Kirolari guztiek dena perfekzioan egin zuten eta bere indarreko azken apurra utzi zuten eta honek merezitako txapela lortzera eraman zieten. 

Sokatira: Hemen lortutakoa guztiz espero ez zena izan zen. Txapelketan zehar erditik beherako postuetan aritu ziren baina finalean sailkatzea lortu zuten. Finalean talde batek huts egiteak itxaropena piztu zuen lehia hasi aurretik. Aukera bazegoen, baina ondoren oso lan ona egin behar zen, eta gure kirolariek ederki aritu ziren eta hirugarren postua lortu zuten.

Sailkapena: 

Kadeteak - Finala
Proba Konbinatua				Sokatira
Pos	Taldea	Denbo		Pos	Taldea	Punt
1	Araxes	9:46		1	Andra Mari	6
2	Basaburua	9:50		2	Basaburua	5
3	Andra Mari	10:05		3	Araxes	4
4	Antsoain A	11:35		4	Antsoain A	2,5
				5	Paz De Ziganda	2,5

Eskerrik asko kirolariei finalean eta entrenamenduetan izandako jarrerarengatik eta egindako lanarengatik.

Bide batez, mila esker modu askotara lagundu eta animatu duten gurasoei. Beraien jarrera eta borondate paregaberik gabe guzti hau ezinezkoa izango zen.

Aupa Araxes eta bere jendea!

NKJ 2025 - Emaitzak

Laugarren jardunaldia - apìrilak 6 - ARAXES-Lekunberri

Jardunaldi hau berezia izan zen, izan ere, gure jardunaldia zen. Guk antolatutako aurreko aldietan bezala, dena oso ongi joan zen lagundu zuen jende guztiari esker. Mila esker laguntzaile guztiei; zuek gabe hau ezinezkoa litzateke.

Kirol arloan, etxean jokatzeak indar berezi bat piztu zuen gure kirolarien artean eta oso lan ona egin zuten emaitza oso politak lortuz.

Egun bikaina borobiltzeko Kadeteak finalerako sailkatu ziren bai proba konbinatuan, bai sokatiran.

• Kimuak: Bere txanda nagusitasunez irabazi zuten eta denera emaitza txukuna egin zuten. Sailkapen orokorrean erdi aldean bukatu dute. Aurtengo txapelketa bukatu da ttikienentzat.

4. Jardunaldia
Pos	Taldea	Denbo		Pos	Taldea	Denbo		Pos	Taldea	Denbo
1	Igantzi	6:55		8	Arantza	7:10		15	Basaburua A	7:39
2	Berriozar A	6:55		9	Joakin Lizarraga A	7:19		16	Antsoain B	7:42
3	Andra Mari 2	7:04		10	Paz De Ziganda B	7:25		17	Berriozar B	7:55
4	Basaburua B	7:06		11	Andra Mari 1	7:27		18	Joakin Lizarraga B	8:00
5	Andra Mari 3	7:07		12	Paz De Ziganda A	7:28		19	Berriozar C	8:05
6	Iñigo Aritza 2	7:07		13	Araxes	7:28		20	Antsoain C	8:27
7	Iñigo Aritza 1	7:08		14	Antsoain A	7:36
Sailkapena
Pos	Taldea	Denbo		Pos	Taldea	Denbo		Pos	Taldea	Denbo
1	Andra Mari 3	28:42		8	Basaburua A	29:48		15	Antsoain A	31:32
2	Berriozar A	28:59		9	Iñigo Aritza 1	30:19		16	Antsoain B	31:41
3	Andra Mari 2	29:02		10	Paz De Ziganda B	30:28		17	Berriozar C	32:24
4	Basaburua B	29:04		11	Araxes	30:34		18	Joakin Lizarraga B	33:03
5	Arantza	29:11		12	Paz De Ziganda A	30:48		19	Antsoain C	33:49
6	Iñigo Aritza 2	29:22		13	Andra Mari 1	31:06		20	Berriozar B	33:54
7	Igantzi	29:31		14	Joakin Lizarraga A	31:14

• Haurrak: Jardunaldi honetan, gure kirolari guztiez osaturik (8tik 5), aurrekoetan izandako emaitza txarrei buelta eman diote eta postu itxurosoa lortu dute orokorrean. Hauen txapelketako partaidetza ere hemen bukatu da.

4. Jardunaldia
Pos	Taldea	Denbo		Pos	Taldea	Denbo
1	Basaburua	9:52		7	Araberri	11:56
2	Antsoain B	10:02		8	Labirantza	12:17
3	Iñigo Aritza	10:05		9	Berriozar	12:19
4	Igantzi	10:07		10	Antsoain A	13:04
5	Andra Mari 3	11:05		11	Andra Mari 1	14:32
6	Andra Mari 2	11:49		12	Malkaitz	16:08
Sailkapen Orokorra
Pos	Taldea	Denbo		Pos	Taldea	Denbo
1	Igantzi	38:47		7	Andra Mari 2	47:13
2	Basaburua	39:04		8	Araberri	47:45
3	Iñigo Aritza	40:14		9	Berriozar	47:51
4	Antsoain B	40:53		10	Andra Mari 1	49:00
5	Andra Mari 3	44:08		11	Antsoain A	49:22
6	Labirantza	44:42		12	Malkaitz	52:46

• Kadeteak: Hauen lana konbinadan berriz ere bikaina izan zen, jardunaldia honetan berriz irabaziz. Sokatiran 3 Haur sartzera behartu zen taldea eta gutxienez espero zen lana burutu zuten, finalerako txartela lortuz.

Proba Konbinatua
4. Jardunaldia				Sailkapen Orokorra
Pos	Taldea	Denbo		Pos	Taldea	Denbo
1	Araxes	10:33		1	Basaburua	43:22
2	Basaburua	11:09		2	Araxes	43:48
3	Antsoain A	12:25		3	Andra Mari	47:37
4	Antsoain B	13:34		4	Antsoain A	48:42
5	Andra Mari	13:54		5	Berriozar	54:25
6	Berriozar	14:28		6	Antsoain B	56:08
7	Paz De Ziganda	16:29		7	Paz De Ziganda	59:16
Sokatira
2. Jardunaldia				Sailkapen Orokorra
Pos	Taldea	Punt.		Pos	Taldea	Punt.
1	Andra Mari	8		1	Basaburua	15
2	Basaburua	7		1	Andra Mari	15
3	Berriozar	6		3	Berriozar	12
4	Paz De Ziganda	5		4	Paz De Ziganda	9,5
5	Araxes	3,5		5	Araxes	8
5	Antsoain A	3,5		6	Antsoain A	6,5
7	Antsoain B	1,5		7	Antsoain B	3,5
7	Iñigo Aritza	1,5		8	Iñigo Aritza	2,5

Aupa ARAXES!!!