2018/2019 kurtsoa martxan

Berriz ere, HK kurtsoa martxan da dagoeneko, eta hau 9. aldia da. Urtero bezala bada utzi gaitueneik eta berririk ere bai. Kopuru aldetik osasuntsu dago.

Aurtengo partaideak hokakoak dira multzoz-multzo:

• Kimuak: Janire, Bikendi, Iraide, Conor, Irune, Luka, Eider, Izei, Lander, Eros, Imanol eta Mattin. Txapelketan taldea osatzeko nahiko kirolari daude.
• Haurrak: Julen, Aileen eta Ibai. Hauek beste talderen batekin elkartu beharko dira txapelketan parte hartu nahi badute.
• Kadeteak: Oier, Andere, Iban, Leire, Eneko, Saioa, Unai eta Elena. Taldea juxtu-juxtu osatzeko partaide daude.

Nahiz eta ikastaroan parte ez hartu adinez goitik daudelako, Jubenilak saio eta txapelketetara zintzo agertzen dira eta gehienek afizioari eusten diote. 

• Jubenilak: Julen, Alaitz, Mattie, Laura, Joanes, Beñat, Josu, Mikel, Aitor, Oihan, Maria eta orain ahazten duten besteren bat ere.

Araxes taldea edozein saio edota txapelketarako prest egongo da. Deitzen gaituzten edonora joateko ahalegina eginen dugu gurea den kirola eramatera eta txapelketetan ikasi dugun guztia erakustera.

Ea aurtengo txapelketetan ere saririk ekartzen dugun gurera, hori ere tradizio bihurtu bait zaigu azken aldian.

Aupa ARAXES!! 

Udako saioak

Aurten ere herri kiroleko hainbat saio, lehia eta erakustaldi izan ditugu eta segidan dene laburpen bat jasotzen da.

Sanfermiñak: Urteroko zita bihurtu da, baina aurtengoan aldaketa izan dugu. Orain arte kimuen konbinada edota kadeteen trontza izaten genuen, baina aurtengoan trontza mantendu da eta 4x4 sokatira mixtoa heldutan izan dugu. Kadeteen kasuan Oier eta Manex aritu ziren eta 4. geratu ziren. Sokatiran ordez, helduen kontra aritu ziren gure neska-mutilak eta 3. bukatu zuten. Lan bikaina!

Berriozarko pestak: Bertan berriz 4x4 sokatira txapelketatxo bat antolatu zen jai giroan eta erakustaldi on bat egin zuten ongi pasaz, baina hortzak erakutsiz.

Atalluko pestak: Nahiz eta hasiera batean Naparru-Gipuzku lehia bat antolatu nahi izan zen, azkenean Gipuzkutik talderik aurkezten ez zenez, Araxeseko kirolariak Berrobiko gazteekin bi talde osatu zituzten elkarren aurka konbinadan lehiatzeko. Konbinadan aizkora ere izan genuen bi aizkolari hoberenentsuen laguntzarekin: Vicente eta Larrañaga. Bakoitzak talde batean parte hartu zuten, denak emanez. Esan beharra dago urdaiazpiko baten apustu+zozketa ere egin zela taldearentzako dirua ateratzeko eta oso emaitza ona izan zuen.

Azken Muga: Azken urtetako udatan Zaraten erakustaldiren bat egitea egokitzen zaigu eta aurten bi saio izan ziren. Lehenengo batean trontzekin sinbolikoki mugak moztu behar izan zituzten eta beste saio batean Araxesko kirolariez osatutako bi taldeen arteko konbinada egin zen. Ikuslez juxtu xamar egun berean Intzako kilometro bertikala ospatzen ari zelako.

Intzako pestak: Intzako plazan, oso giro eder eta estuan, ttikien eta gazteen arteko konbinada eta sokatira saioak burutu ziren. Bukaeran, gazteek bertako helduei sokatira desafioa bota zioten eta elkarren arteko lehia ere egin zen. Araxesko gazteek irabazi zuten.

Uitziko pestak: Udako saioei ohiko bukaera emanez, Uitzin burutu zen Araxes eta Uitzi arteko lehia konbinadan eta sokatiran. Konbinadan elkarren artean segundu bateko tartea baina ttikiagoko denboran bukatu zituzten lanak bi taldeak. Foto-finish balego Araxesen alde izan zela esango luke. Sokatiran berriz Uitziarrak irabazi zuten zeukaten pisu alde nabarmena bait zen.

Denboraldiaren bukaerako ekitaldiak

Beste urte bat pasa da eta kurtso amaieran hainbat ekitaldi pilatzen dira. Hemen laburbiltzen saiatu gara. Ondoren uda etorriko da eta han edo hemen saioren bat ekarriko du eta gu han prest egongo gara.

• Umeen eguna: Maiatzak 5ean, Guraso elkarteak antolaturik, burutu zen umeen eguna eta bertan herri kirol saio ireki bat egin zen eskolako nahi zuen umeek parte hartzea zut
  elarik. Adinen arabera 3 saiotan banatu zen eta bertan 44 umek parte hartu zuten konbinadan eta sokatiran, hortzak estututa, oso lan ona eginez.

• Kurtso amaiera: Ekainaren 7an kurtso hontako azken klasea izan zen. Kirolari guztiek osatutako konbinada bat egin zen eta ondoren otordutxo bat eginez, datorren urte arte oporrak hartu ziren.

• Burlatako sokatira 4x4 saio mixtoa: Ekainaren 3an, lehenengo aldiz Araxes taldeak helduen lehia batean parte hartu zuen. Tirada guztiak galdu arren, oso maila ona erakutsi zuen eta ia tiradaren bat irabazteko puntuan egon zen. Gerora, egindako lan txukuna kontutan hartuta, Federazioak Araxes taldea Sanferminetara konbidatu zuen. 

• Kurtso bukaerako pesta: Azken urtetako ohiturari eutsiz, gurasoek antolatuta, herri kirol saio bat eta ondoren bazkaria egin ziren kurtsoari merezi duen bukaera ona emateko. Goizean saio pila bat egin ziren: gurasoen arteko konbinada, gaztetxoen arteko konbinada eta sokatira eta bukatzeko guraso eta gazteen arteko konbinada eta sokatira. Lehia oso estu eta politak ikusi ziren. Ondoren gurasoek bazkari bikain bat atera zuten eta oso giro onean gozatu genuen guraso eta gazteak.

• Sanferminak: Urteroko zita bihurtu da hau, eta aurten bi saiotan parte hartzeko. Alde batetik kadeteen trontza txapelketa dago eta bertan Oier GM eta Manexek parte hartuko dute. Bestetik, lauko sokatira mixtoan parte hartuko dugu helduen aurka. Ea zer ekartzen dugun bueltan.

Kurtso hontan kirolari eta guraso berriak sartu zaizkigu, eta pozgarria da bertan zegoen lanerako nola edozertarako giro onari eutsi dioten eta nola erantsi diren ikustea. Mila esker denoi eta... Aupa ARAXES!!!

Nafarroako 4x4 sokatira txapelketa

20 urtez azpikoen 3. postuko saria

Aurtengo Nafarroako Lauko (4x4) Sokatirako txapelketa burutu da eta bertan Araxes HK taldeak bi mailatan parte hartu hartu du: Kadetetan (Antsoaingoekin batuta) eta 20 urtez azpikoetan 2 taldekin.

•   4. Jardunaldia (Finala): Irurita, maiatzak 12 17:00tan

Jardunaldian zorte eskasaz ibili ginen eta Araxes Bk ez zuen finalerako txartela 0'5 puntuengatik nahiz eta tiraldi oso onak egin. Araxes Ak oraingoan ez zuen tiraldirik irabazi baina txukun moldatu zen eta Kadetetan berriz tiraldi bat irabaztea lortu genuen. Hala ere azkenean 20 urtez azpikoetan sari batekin itzuli gara 3. postua lortuta.

>>>Argazki gehiago <<<

Sailkapena:

< 20 urtekoak	Puntuak					Orokorra < 20 urtekoak
Taldea	Txantrea	Lesaka	Antsoain	Irurita		Taldea	Puntuak	Posizioa
Araxes A	2	3,5	1	1		Araxes A	7,5	4
Araxes B	5	2	4	3'5		Araxes B	14'5	3
Berriozar	3,5	3,5	5	5		Berriozar	17	1
Basaburua A	3,5	5	3	3'5		Basaburua A	15	2
Basaburua B	1	1	2	2		Basaburua B	6	5
Kadeteak	Puntuak					Orokorra Kadeteak
Taldea	Txantrea	Lesaka	Antsoain	Irurita		Taldea	Puntuak	Posizioa
Anar	1	2,5	1	2		Anar	6,5	5
Basaburua	5	5	5	5		Basaburua	20	1
Berriozar	2	2,5	3	3		Berriozar	10,5	3
Andra Mari	3	1	2	1		Andra Mari	7	4
Iñigo Aritza	4	4	4	4		Iñigo Aritza	16	2

•   3. Jardunaldia: Antsoain, maiatzak 5 17:00tan

Jardunaldi hau orokorrean ez da ona izan, beltz samarra. Kadeteek berriz tiraldirik irabazi gelditu ziren eta 20 urtez azpikoetan ordez Araxes A taldean kirolari bat lesionatu zen eta Kadeteek bezala deus irabazi gabe bueltatu ziren. Alde on bakarra Araxes B taldetik etorri zen, izan ere bigarren bukatu zuten eta finalerako aukerakin gelditu dira, datorren jardunaldian gertatuko denaren zain.

• 2. Jardunaldia: Lesaka, apirilak 21 17:00tan

Aurreko jardunalditik gauzak aldatu ziren. Kadeteek tiraldi bat irabazi eta beste bat berdindu zuten eta aurrekoan denak galdu zituzten. 20 urtez azpikoak ordez, gogotik ordaindu zuten elkarren arteko tiraldi gogorra. Lana erreztu genien gainerako taldeei. Finalerako sailkatzea zaildu da baina eskura dago.

• 1. Jardunaldia: Txantrea, apirilak 14 11:30tan

Emaitza desberdinak 20 urtez azpikoetan eta Kadeteetan. 20 urtez azpikoetan bi taldeen emaitza orokorra desberdina izan zen baina gauza bitxi bat gertatu zen: bi taldeek galdu gabe bukatu zuten, edo irabazi edo berdindu bait zituzten tiraldi guztiak. Kadeteak ikasten ari dira eta gazteagoak eta arinagoak izatea ordaintzen ari dira.

20 urtez azpikoetan: Mattie, Laura, Joanes, Alejandro, Alaitz, Josu, Mikel, Beñat eta Oihan

Kadetetan: Oier, Andere, Manex, Iosune eta Iranzu (Antsoain)

Lau jardunaldi izanen dira, denak larunbatean: Txantrea, Lesaka, Antsoain eta Irurita. Jardunaldi hauetan helduak ere aritzen dira emakumezko eta gizonezkoetan.

Jokatzeko era 4 jardunaldietan liga moduan izanen da eta denera puntu gehien lortu dituzten bi taldeen artean finala jokatuko dute. 

Amaitu da 2018ko NKJen Herri Kirol Txapelketa

2018ko txapelketa bukatu da eta emaitzak aurreko urteetakoak baina apalagoak izan arren, onak izan direla esan daiteke.

• Kimuen kasuan, konbinadan aritu ginen soilik eta taldea osatzeko Artzanegi taldearekin elkartu ginen. 17 taldetatik azkenak hasi ginen baina gora egin genuen eta azken egunean 4. gelditu ginen, sailkapen orokorrean 9. postua lortuz.
• Haurrak konbinadan eta sokatiran finalera pasa ziren eta konbinadan bigarren postua lortu zuten. Sokatiran 5. amaitu zuten, oso emaitza ona beste taldeak baina ia 100kg gutxiagoko pisua zuten eta.
• Kadeteek ere beste talde batzuekin bat eginda aritu ziren (Berriozar eta Antsoain). Konbinadan lehen jardunaldietan azken postuan bukatu zuen baina azken jardunaldian ikaragarrizko erakustaldia eman zuten lehenegoak geratuz, errez irabaziz. Sailkapen orokorrean bai konbinadan, bai sokatiran 4. gelditu gara.

Aurten ere gurasoen animoak eta laguntza nabarmen sumatu da. Eskertzekoa eta oso kontutan hartzekoa da, dudik gabe.

Denera, txapelketetan lehiatzen hasi ginenetik (2012), dagoeneko 18 sari lortu ditugu... herri ttiki, lorpen haundi!

Finaleko bideoa: XaloaTB

Nafarroako 4x4 Sokatira Txapelketa

Txapelketa hau bukatu da, bai, baina kadeteek eta jubenilek apiriletik aurrera burutuko den 4x4 sokatira txapelketan parte hartuko dute. Kadeteak talde bat osatuko dute eta jubenilak berriz, bi. Ea berriz ere emaitza onik ekartzen duten gurera.

Txapelketaren azken jardunaldia: Igantzi / Bera

Kimuen eta Haurren ligaxka bukatu da eta emaitzen aldetik Kadeteak berdintsu moldatu dira konbinadan eta sokatiran, Haurrak sokatiran berdin baina konbinadan aurreko egunetan baina okerrago, eta sorpresa ona Kimuetatik etorri zaigu. Lehenengo jardunaldian azkenak geratu ziren baina pixkanaka gora egin dute eta igande honetan 17 taldetik laugarren geratu dira. Igandero horrela eginez gero finalera pasako lirateke.

Aurten finalean haurrak izanen ditugu soilik. Hori bai, konbinada eta sokatirako finalean arituko dira, eta hori ez da gutxi. Sariren bat lortzeko aukera dute. Ikusi egin behar... Aupa Araxes!!

Hauek dira Berako jardunaldiko emaitzak. Beltzaranez daudenak finalera pasa dira:

Kimuak konbinada

Laugarren jardunaldia				Orokorra
Pos.	Taldea	Denbora		Pos.	Taldea	Denbora
1	Igantzi	6:49		1	Igantzi	27:26
2	Andra Mari 5	6:53		2	Andra Mari 5	27:39
3	Andra Mari 7	6:55		3	Andra Mari 7	28:20
4	Arartza	7:08		4	Antsoain B	28:24
5	Antsoain B	7:08		5	Berriozar	28:44
6	Berriozar	7:10		6	Antsoain C	28:48
7	Antsoain C	7:10		7	Andra Mari 6	29:10
8	Andra Mari 6	7:13		8	Andra Mari 3	29:14
9	Intsusburu	7:17		9	Arartza	29:27
10	Antsoain A	7:17		10	Intsusburu	29:28
11	BRT Menditarrak	7:18		11	Antsoain A	29:35
12	Bargagain	7:25		12	Bargagain	29:55
13	Andra Mari 3	7:26		13	Gainsol	29:56
14	Gainsol	7:33		14	BRT Menditarrak	30:04
15	Andra Mari 4	7:40		15	Andra Mari 4	30:08
16	Andra Mari 1	7:46		16	Andra Mari 2	30:13
17	Andra Mari 2	7:56		17	Andra Mari 1	31:11

Haurrak konbinada

Laugarren jardunaldia				Orokorra
Pos.	Taldea	Denbora		Pos.	Taldea	Denbora
1	Andra Mari 3	8:54		1	Andra Mari 3	36:25
2	Basaburua	8:59		2	Araxes	37:16
3	Araxes	9:20		3	Basaburua	38:15
4	Andra Mari 2	9:20		4	Berriozar A	38:30
5	Artzanegi	9:26		5	Artzanegi	38:42
6	Berriozar A	9:37		6	Andra Mari 2	38:44
7	BRT Menditarrak	9:46		7	Antsoain A	42:13
8	Antsoain A	10:01		8	BRT Menditarrak	43:39
9	Txantrea	10:31		9	Iñigo Aritza	43:47
10	Iñigo Aritza	10:34		10	Txantrea	43:47
11	Andra Mari 1	11:52		11	Andra Mari 1	44:08
12	Antsoain B	12:04		12	Berriozar B	46:17
13	Berriozar B	12:25		13	Antsoain B	47:47

Haurrak sokatira

Laugarren jardunaldia				Orokorra
Pos.	Taldea	Puntuak		Pos.	Taldea	Puntuak
1	Basaburua	4		1	Basaburua	16
2	Araxes	3		2	Araxes	12
3	Andra Mari 1	2		3	Andra Mari 1	6
4	Berriozar B	1		4	Berriozar B	6

Kadeteak konbinada

Laugarren jardunaldia				Orokorra
Pos.	Taldea	Puntuak		Pos.	Taldea	Puntuak
1	Iñigo Aritza	4		1	Andra Mari	12
3	Basaburua	3		3	Basaburua	12
3	Andra Mari	2		3	Iñigo Aritza	12
4	Anaraberri	1		4	Anaraberri	4

Kadeteak sokatira

Laugarren jardunaldia				Orokorra
Pos.	Taldea	Puntuak		Pos.	Taldea	Puntuak
1	Basaburua	5		1	Basaburua	19'5
2	Andra Mari 1	4		3	Andra Mari 1	16'5
3	Iñigo Aritza	3		3	Iñigo Aritza	12
4	Anaraberri	2		4	Anaraberri	6'5
5	Andra Mari 2	1		4	Andra Mari 2	5'5