Araxes taldeak aurten ere, azken 13 urtetan bezala, gaztetxoen Nafarroako txapelketan parte hartuko du. Aurten, hutsune luze samar baten ondoren, maila guztietan aterako dugu taldea.
Kimu maila (11-12 urte): Araxesekin batera 28 taldek hartuko dute parte konbinadan; izugarria! Txapelketako lehen lau jardunaldiak liga moduan finalean sailkatzeko izango dira. Finalean lehen 4 taldeak arituko dira. Urtero bezala, oso zaila izanen da finalean sailkatzea, baina aurrekoetan ere oso zaila zegoen eta gure kirolariek erakustaldia eman izan dute gehienetan finalean sailkatuz.
Haur maila (13-14 urte): Konbinadan denera 9 talde dira eta Kimuen sistema berdina erabiliko da sailkapenerako. Sokatiran berriz 6 talde daude eta 5 jardunaldiak liga sisteman jokatuko dira. Hauek ere ez dute erreza izanen, baina urtero hor dabiltza bere hoberena ematen.
Kadete maila (15-16 urte): Konbinadan eta Sokatiran 5na talde daude eta bi modalitatetan 4 jardunaldi izanen dituzte eta hauek liga sisteman jokatuko dira. Azken jardunaldian erakustaldia eginen dute soilik. Ea aspaldiko partez sariren bat ekartzen duten maila honetan etxera.
Jardunaldiak:
- Martxoak 5 (10:30): Atarrabia
- Martxoak 12 (10:30): Olazti
- Martxoak 19 (10:30): Antsoain
- Martxoak 26 (10:30): Etxarri-Aranatz
- Apirilak 2 (11:00): Igantzi
Aupa ARAXES!!!
