2016 / 2017 denboraldia hasiera

Urria ailegatzearekin batera, hasi da aurtengo kurtso berria eta neska-mutilak gogo biziz bildu dira. Aurtengoan, aurrekoetan baina aldaketa gehio eman dira. Batzuk, helduenak, ezintasunez utzi behar izan dute, eta beste aldetik lagun berriak bildu zaizkigu gaztetxoen artean. Denera 21 partaideko taldea osatzen dugu, iaz bezala.

Mailaren araberako aurtengo zerrenda:

• Kimuak:  Aileen, Unai eta Oier GL.
• Haurrak: Andere, Manex, Cian, Eneko, Iban, Saioa, Xabi, Leire O. eta Oier GM.
• Kadeteak: Josu, Beñat, Maitane eta Mikel.
• Jubenilak: Jon, Laura, Joanes, Julen eta Leire I.

Garrantzitsuena ongi pasatzea, ikastea eta gure kiroletako baten griña piztea da. Dena den, azken urtetan bezala, aurtengoan ere txapelketan zerbait lortuko dute, seguru.

 >> OHARRA <<

Esan beharra dago ere, aurtengo txapelketan jardunaldi bat Betelun egiteko asmo sendoa dagoela. Lortzen badugu, lan pixko bat eginda, Araitz-Betelukoei eta ingurukoei gure gaztetxoak zertarako gai diren erakutsi ahal izango diegu.

"Azken Muga"n ere Herri Kirolak.

Azken Muga, garai bateko Gipuzkoa eta Nafarroa arteko lotura gogoratzeko eta bi mugen inguruko herrien arteko lotura berrindartzeko sortu den asmo bat da. Bertan, artisten erakustaldien eta beste hainbat ekitaldien artean, Herri Kirol saio bat egin zen.

Saioa uztailak 25ean egin zen eta Nafarroa aldetik Araxes taldea (Araitz-Betelu), eta Gipuzkoa aldetik bi talde aritu ziren: Amezketa eta Altzo-Alegia.

Leku oso aproposa ez izan arren, oso ongi burutu zen dena. Hasieran Proba konbinatua egin zen (lokotx bilketa, txinga eta zaku eramatea, laisterra eta trontza) eta ondoren sokatira.
Ez dio axolarik baina badaezbada, konbinadan Araxesek irabazi zuen eta sokatiran Amezketak.

Harri pare bat ere eraman ziren nahi zuenak frogatzeko. Harri bat jasotzeko zen eta beste bat (handiagoa) arrastatzeko. Bat edo beste ausartu zen. Oso giro onean burutu zen eta ikusle dexente bildu zen.

Ondoren, han bertan, Zaraten, bazkari eder bat atera zuten (Bedaiokoak arduratu ziren) eta 160 bazkaldar inguru bildu ziren.

Araitz-Beteluko gazteek giroa trikitixarekin alaitu zuten goiz eta arratsaldez.

Uitziko Pestetan ere izan zen HK lehia

Denboraldia hasi aurretik, kadete eta jubenilak Uitziko pestetan lehiatu ziren bertako gazteen aurka. Desafiotxoa Nafarroako txapelketako konbinadako lana baina pixko bat gogorragoa egitea izan zen eta giro ederrean burutu zen. 

Uitziko taldea gazte eta beteranoek osatzen zuten. Aje pixko bat, entrenamendu gutxi eta bata beste Araxes taldea garaile oso gutxigatik (3"). Eguraldi kaxkarra zela eta ez zen sokatirarik egin.

Aurretik umeak aritu ziren eta errelebo serioa dagoela erakutsi zuten.

Giro oso onean burutu zen ekitaldi osoa eta ondoren merendu ederra hartu zuten. 

 

  .

Iruñeko Sanferminak

Uztailaren 11an, eguerdiko 12:00etan Foru enparantzan, bi saiotan parte hartu genuen eta oso emaitza onak lortu ditugu.

Kadeteen Nafarroako Trontza txapelketa:  Kadeteen kasuan Josu eta Joanesek osaturiko bikoteak partu hartu zuen eta bigarren postua lortu zuen. Egin beharreko lana, 100zm-ko enborrari 10 epai ahalik eta denbora gutxienean. Egindako lana oso ona izan zen, izan ere, 5'30" denbora behar izan zuten. Denera sei bikotek parte hartu zuten. 

Azken lorpen honekin, aurten denera, 7 sari lortu dira, alegia, parte hartutako modalitate guztietatik sariarekin bueltatu gara. Pena txapelik ez lortu izana. Denera, 2 bigarren postu eta 5 hirugarren, ez da makala!

Kimuen konbinada erakustaldia: Kimuen kasuan, Nafarroako txapelketako finalistak aritu ziren. Finalean hirugarren gelditu ziren baina oraingoan, bukaera ederra emanez eta lehia oso estuan, irabaztea lortu zuten. Merezitako lorpena. Aupa Araxes!!

Kurtso bukaera eta azken saioak

Urtero bezala, eta dagoeneko badaramatzagu 7 urte, ailegatu da kurtso bukaera, eta honekin batera hainbat saio pilatzen dira hilabete eskaseko tartean. Segidan, banaka aipatuko ditugu:

Eskolako umeen eguna: Maiatzaren 28an, Guraso elkarteak antolatuta, beste aktibitateen artean herri kirol saio bat burutu zen. Adinaren arabera 3 multzo egin ziren eta konbinadan eta sokatiran gogor aritu ziren HH1 eta DBH2 arteko ikasleak. Denera 60-tik gora aritu ziren. Hona hemen partaideen argazkia. Garbiñe gogoan.

Kurtso bukaera: Ekainaren 10ean aurtengo kurtsoko azken entrenamentua egin genuen. Saio motz bat eta ondoren merendolatxo bat jan bitartean, aurtengo lorpen handiaren errepaso egin genuen. Izan ere, aurten lortutako ia ezinezkoa izango da berdintzea eta zailago hobetzea. Parte hartutako modalitate guztietan saria lortu dugu, denera 6, eta beste bat lortzeko moduan gaude.

Herri kiroleko guraso eta gaztetxoen jaialdia: Azken hiru urteetan bezala, ekainaren 12an, gurasoak bultzatu eta antolatuta, goizean 9 laguneko lau talde aritu ziren guraso eta gaztetxoak nahasita. Berdintasuna eta umore ona nagusitu ziren. Ondoren, gurasoek bazkari ederra atera ziguten eta bazkalondoa trikitixa doinuz girotu zen.

 

Beteluko Sanpedroak: Ekainaren 29an, San Pedro egunean, Beteluko pestetan desafiotxo bat burutu zen. Araxes taldeko Kadete eta Jubenilak bertako beste bi taldeen aurka aritu behar dira konbinadan. Talde bat 25 urte inguruko gazteez osaturik egongo da eta bestea berriz beteranoetaz. Dena oso ongi joan zen eta parekotasuna nagusitu zen, baina gureak beti nagusi. Aupa Araxes!!

Azkarateko Sanferminak: Uztailaren 9an, urtero bezala, haur eta helduen herri kirol saio bat egin zen. Haurren kasuan, bertara agertutako gaztetxoen artean bi talde osatu ziren, bakoitza 12 partaidekoa. Gogor aritu ziren eta lehia estua egon zen. Ondoren saritxoa izan zuten.

Sokatira 4x4 txapelketari buruzko informazioa

4. jardunaldia: Sunbilla > Finala <

Saioaren emaitza eta sailkapen orokorra: Jardunaldi honetan, kadeteentzako finala zen eta jubenilentzako berriz ligako azken jardunaldia.

Finalean aritu ziren bi taldeak

Jubenilak aurrekoetan baina pisu gutxiagorekin eta ekipo erdia adinez azpitik zutela agertu ziren. Hala ere lan txukuna eta meritu handikoa egin zuten. Hauen helburu nagusia txapelketan parte hartzea izan da, baina bide batez, maila berri bati bultzada ematea: 20 urtez azpikoa. Modu honetan, atzetik datoztenei bidea ireki diete eta hori oso kontutan hartu behar da.

Kadeteek finala zuten. Txapelketan 4 taldeko multzotan aritu ziren, eta finalera multzo bakoitzeko bi lehenak ailegatu ziren, gureak tartean. Finaleko sistema kanporaketakoa izan zen eta finalerdian, gutxigatik, galdu egin zuten. Ondoren, 3. postuko lehiarengatik borrokatu zuten eta irabazi zuten.

Azkenean, bi taldeak hirugarren. Kontutan izateko emaitza. 

20 urtez azpikoak: Mattie, Leire, Jon, Alaitz, Julen, Alejandro eta Mikel

Kadetak: Joanes, Josu, Julen, Laura, Alaitz eta Alejandro

                                                 
 

Kadeteak

Jubenilak

Azken berriak: Sokatira 4x4, pestetako saioak eta HK-ko finalaren bideoa.

Sokatira 4x4: Kadeteak eta Jubenilak

Iaz bezala, aurten ere sokatira 4x4 txapelketan izena eman dugu. Aurtengo berritasuna jubeniletako modalitatea (20 urtez azpikoak) martxan jarri dela da. Bai kadete bai jubeniletan arituko gara eta egutegia hurrengoa da:

• Apirilak 16 - Burgi - 12:30
• Apirilak 23 - Lesaka - 17:00
• Maiatzak 7 - Antsoain - 18:00
• Maiatzak 14 - Berroeta - 17:30  

Jubenilak: Hiru talde daude: Araxes, Berriozar eta Basaburua-Ultzama. Lau jardunaldi izanen dituzte liga sisteman. Puntuazioak erabakiko du sailkapena.

  

Kadeteak: Zortzi talde daude eta bi multzotan banatuko dira. Gure taldean Araxes, Andra Mari, Berriozar A eta Basaburua A daude. Hiru jardunaldi izanen dituzte liga sisteman eta azken jardunaldian multzo bakoitzeko lehenengo bi sailkatuek 1-4 postuak jokatuko dituzte finalerdi eta final sistema erabilita eta multzoko hirugarren eta laugarrenek 5-8 postuak..

Eskolako Umeen Eguna

Datorren maiatzak 7ko goizean Betelun, Guraso elkarteak antolatuta, eskolako umeen arteko herri kirol saio bat eginen da adin guztietako partaideentzako. Nahi duten ume guztiek parte hartu ahal izanen dute.

Beteluko pestak

San Pedrotan, pestetan saioren bat egiteko eskakizuna egina dago. Ttikienen kasuan (Haurrak eta Kimuak) beraien arteko saio bat eginen dute. 
Handienak (Kadeteak eta Jubenilak) berriz, desafio modura, herriko gazteen (eta agian helduen) aurka arituko dira. Eguna zehaztu gabe dago.

Sanferminetako erakustaldia

Uztailak 11an, Kimuetan finalean aritutako taldeek erakustaldi modura saio bat eginen dute eta tartean Araxes taldea arituko da (partaideek ahal badute behintzat).
Egun berean kadeteen trontza txapelketa ere burutuko da eta seguruenik bikoteren bat aurkeztuko dugu.

NKJen HKko finalaren bideoa

Xaloa telebistak eskeinitako bideoa hemen dago ikusgai. 60 minutuko bideoa da eta konbinadako eta sokatirako saioak jasotzen ditu. Ez du jasotzen sari banaketa.

>>>   2016ko NKJen finalaren bideoa   <<<

Txapelketa bukatu da eta.... egundoko lorpena!!

Goran >> Beñat, Joanes, Mikel, Alaitz, Maitane, Laura, Alejandro, Aitor, Josu, Julen / Beheran >> Unai, Oier GM, Aileen, Andere, Cian, Manex, Eneko, Iban, Leire, Oier GL.

NKJen txapelketa bukatu da eta aurtengoan, hain eskualde ttikia izateko, izugarrizko lorpena egin dugu. Kostata, taldea ezin osatuz partaide kopuru exkasarengatik, lau arlotan izena eman genuen, eta denetan, ez dela gutxi, finalean sartu giñen. Hori nahikoa ez eta denetan sariren bat ekarri dugu bueltan etxera. Banan bana:

• Kimuak (11-12 urte): Bost partaide ziren eta igandero Iñigo Aritza taldeko partaideren batekin taldea osatzen zuten. 16 talde zeuden denera eta 3. gelditu dira. Badago kantera!

• Haurrak (13-14): Hauekin taldea osatzeak lan gehiago eman zuen. Guk lau partaide genituen eta beste bi taldeetako (Araxes+Artzanegi+Irisarri) partaideekin Arartziri taldea osatu genuen. Elkar ezagutu gabe ere oso talde ona atera zen eta azkenean hauek 3. postua lortu zuten.

• Kadeteak (15-16): Kasu honetan partaide nahiko zeuden eta konbinadako taldeaz gain, sokatirakoa ere atera genuen. Hemen ere emaitza bikainak izan ziren. Konbinadan txapela segundu pixka batzuengatik alde egin zien eta azkenean 2. gelditu ziren. Sokatiran, asko sufrituz, 3. egin zuten.

 

Aipamen berezia Laura, Joanes, Alaitz, Julen eta Alejandrori egin behar zaie, izan ere, aurtengoa izan baita beraien azken NKJ txapelketa. Bereziki lehen hirurentzat doa aipamen hau hasiera-hasieratik gurekin egon direlako. Seguru oraindik herri kirol munduan jarraituko dutela bere maila erakusten.

Gurasoen animoak eta bultzada ere aipatu gabe ezin utzi. Mila esker denoi. Hurrengo urtean berriz eta gehiago.

2016ko NKJ txapelketako informazioa (4)

4. jardunaldia: Larraintzar

Lehenengo aldiz, Araxes HK taldea aurkeztu den arlo guztietan finalerako sailkatu da: lauetik lau.
 
4. jardunaldiko sailkapena:

• Konbinada: Kimuetan 1., Haurretan 4. eta Kadeteetan 5.
• Sokatira: Kadeteetan 1.

Finalerako (Berriozar) autobusa:

Autobusa Ultzamakoekin batera osatuko da eta horregatik 8:50etan aterako da Beteluko aparkalekutik.
Gehiago garenez, guretzat 30 eserleku gorde dira, beraz, neska-mutilez gain, guraso batzuentzako tartea ere egongo da.

Postuak eta denborak:

• Kimuak:

1. Araxes 6:58 / 2. Berriozar B 7:00 / 3. Andra Mari 7:03 / 4. Basaburua 7:12 / 5. Igantzi A 7:15 / 6. Igantzi B 7:19 / 7. Beriain 7:29 / 8. Andia 7:40 / 9. Berriozar D 7:42 / 10. Artzanegi 7:43 / 11. Aizkorri 7:48 / 12. BRT Menditarrak 7:49 / 13. Urbasa 7:53 / 14. Ondatz 8:02 / 15. Berriozar A 8:07 / 16. Berriozar C Ez du parte hartu (10:07)

• Haurrak:

1. Basaburua 9:28 / 2. Andra Mari 9:36 / 3. Iñigo Aritza 10:12 / 4. Arartziri 10:21 / 5. Leziza 10:50 / 6. BRT Menditarrak 11:08 / 7. Utzubar 11:37 / 8. Berriozar 12:14.

• Kadeteak konbinada:

1. Andra Mari 10:08 / 2. Ultzama 10:56 / 3. 11:04 / 4. Berriozar 11:20 / 5. Araxes 11:38 / 6. Iñigo Aritza 11:43 / 7. Beriain 12:13

• Kadeteak sokatira (B multzoa):

1. Araxes (4 puntu) / 2. Basaburua (3 puntu) / 3. Beriain (1'5 puntu) / 3. Berriozar (1'5 puntu)

Sailkapen orokorra:

• Kimuak:

1. Berriozar B 28:04 / 2. Andra Mari 28:06 / 3. Araxes 28:17 / 4. Igantzi B 28:37 / 5. Basaburua 28:41 / 6. Igantzi A 28:47 / 7. Beriain 29:31 / 8. Artzanegi 29:44 ..................

• Haurrak:

1. Basaburua 36:46 / 2. Arartziri 37:36 / 3. Andra Mari 38:48 / 4. Iñigo Aritza 42:19 / 5. BRT Menditarrak 43:11 / 6. Leziza 43:15 / 7. Berriozar 44:56 / 8. Utzubar 47:23

• Kadeteak konbinada:

1. Andra Mari 40:04 / 2. Basaburua 42:09 / 3. Araxes 42:33 / 4. Iñigo Aritza 45:33 / 5. Ultzama 46:15 / 6. Beriain 47:18 / 7. Berriozar 48:55

• Kadeteak sokatira (B multzoa):

1. Basaburua (14'5 puntu) / 2. Araxes (13'5 puntu) / 3. Beriain (7 puntu) / 4. Berriozar (5 puntu)
A multzoko finalistak: 1. Andra Mari (12 puntu) / 2. Ultzama (7 puntu)

2016ko NKJ txapelketako informazioa (3)

3. jardunaldia: Etxarri-Aranatz

3. jardunaldiko sailkapena:

Eguraldi txarra baina emaitza onak. Finalak gero eta bertago.

• Konbinada: Kimuetan 5., Haurretan 1. eta Kadeteetan 2.
• Sokatira: Kadeteetan 1. berdinduta.

4. jardunaldiko (Larraintzar) autobusa:

Aurreko igandean bezala, autobusa jarriko dute 30 laguneko kopurua gainditzen badugu. Autobusa guretzat bakarrik izanen da eta 9:20etan aterako da Beteluko aparkalekutik.

Postuak eta denborak:

• Kimuak:

1. Andra Mari 7:06 / 2. Berriozar B 7:14 / 3. Igantzi B 7:14 / 4. Basaburua 7:16 / 5. Araxes 7:17 / 6. Beriain 7:20 / 7 Urbasa 7:22 / 8. Igantzi A 7:22 / 9. Andia 7:34 / 10. Berriozar D 7:44 / 11. Ondatz 7:44 / 12. Aizkorri 7:45 / 13. Artzanegi 7:46 / 14. Berriozar A 7:47 / 15. BRT Menditarrak 7:58 / 16. Berriozar C Ez du parte hartu (9:58)

• Haurrak:

1. Arartziri 9:00 / 2. Basaburua 9:18 / 3. Andra Mari 9:57 / 4. Iñigo Aritza 9:59 / 5. BRT Menditarrak 10:22 / 6. Berriozar 10:36 / 7. Leziza 11:08 / 8. Utzubar 12:05.

• Kadeteak konbinada:

1. Andra Mari 10:10 / 2. Araxes 10:27 / 3. Iñigo Aritza 10:54 / 4. Basaburua 11:00 / 5. Beriain 11:14 / 6. Ultzama 11:34 / 7. Berriozar 12:32

• Kadeteak sokatira (B multzoa):

1. Araxes (3'5 puntu) / 1. Basaburua (3'5 puntu) / 3. Beriain (2 puntu) / 4. Berriozar (1 puntu)

Sailkapen orokorra:

• Kimuak:

1. Andra Mari 21:03 / 2. Berriozar B 21:04 / 3. Igantzi B 21:18 / 4. Araxes 21:19 / 5. Basaburua 21:29 / 6. Igantzi A 21:32 / 7. Urbasa 21:54 / 8. Artzanegi 22:01 ..................

• Haurrak:

1. Arartziri 27:15 / 2. Basaburua 27:18 / 3. Andra Mari 29:12 / 4. BRT Menditarrak 32:03 / 5. Iñigo Aritza 32:07 / 6. Leziza 32:25 / 7. Berriozar 32:42 / 8. Utzubar 35:46

• Kadeteak konbinada:

1. Andra Mari 29:56 / 2. Araxes 30:55 / 3. Basaburua 31:05 / 4. Iñigo Aritza 33:50 / 5. Beriain 35:05 / 6. Ultzama 35:19 / 7. Berriozar 37:35

• Kadeteak sokatira (B multzoa):

1. Basaburua (11'5 puntu) / 2. Araxes (9'5 puntu) / 3. Beriain (5'5 puntu) / 4. Berriozar (3'5 puntu)

2016ko NKJ txapelketako informazioa (2)

2. jardunaldia: Ororbia

2. jardunaldiko sailkapena: 

Berriz ere emaitza oso onak izan ditugu.

• Konbinada: Kimuetan 4., Haurretan 2. eta Kadeteetan 2.
• Sokatira: Kadeteetan 2.

3. jardunaldiko (Etxarri - Aranatz) autobusa: 

Aurreko igandean bezala, autobusa jartzeko asmoa dute 30 laguneko kopurua gainditzen badugu. Autobusa guretzat bakarrik izanen da eta ordu berean aterako da Beteluko aparkalekutik, 9:15etan.
 

Postuak eta denborak:

• Kimuak:

1. Berriozar B 6:58 / 2. Igantzi A 7:06 / 3. Basaburua 7:08 / 4. Araxes 7:09 / 5. Igantzi B 7:10 / 6. Artzanegi 7:13 / 7 Andra Mari 7:13 / 8. Beriain 7:22 / 9. Aizkorri 7:23 / 10. Andia 7:26 / 11. Urbasa 7:34 / 12. Berriozar C 7:42 / 13. Ondatz 7:42 / 14. Berriozar A 7:50 / 15. Berriozar D 7:52 / 16. BRT Menditarrak 7:54

• Haurrak:

1. Basaburua 8:46 / 2. Arartziri 8:54 / 3. Andra Mari 9:07 / 4. Iñigo Aritza 9:49 / 5. Menditarrak 10:12 / 6. Leziza 10:32 / 7. Berriozar 10:33 / 8. Utzubar 12:01.

• Kadeteak konbinada: 

1. Andra Mari 9:34 / 2. Araxes 9:39 / 3. Basaburua 9:55 / 4. Ultzama 10:50 / 5. Iñigo Aritza 10:59 / 6. Berriozar 11:18 / 7. Beriain 11:38

• Kadeteak sokatira (B multzoa): 

1. Basaburua (4 puntu) / 2. Araxes (3 puntu) / 3. Beriain (2 puntu) / 4. Berriozar (1 puntu)

Sailkapen orokorra:

• Kimuak:

1. Berriozar B 13:50 / 2. Andra Mari 13:57 / 3. Araxes 14:02 / 4. Igantzi B 14:04 / 5. Igantzi A 14:10 / 6. Basaburua 14:13 / 7. Artzanegi 14:15 / 8. Urbasa 14:32 ..................

• Haurrak:

1. Basaburua 18:00 / 2. Arartziri 18:15 / 3. Andra Mari 19:15 / 4. Leziza 21:17 / 5. Menditarrak 21:41 / 6. Berriozar 22:06 / 7. Iñigo Aritza 22:08 / 8. Utzubar 23:41

• Kadeteak konbinada: 

1. Andra Mari 19:46 / 2. Basaburua 20:05 / 3. Araxes 20:28 / 4. Iñigo Aritza 22:56 / 5. Ultzama 23:45 / 6. Beriain 23:51 / 7. Berriozar 25:03

• Kadeteak sokatira (B multzoa): 

1. Basaburua (8 puntu) / 2. Araxes (6 puntu) / 3. Beriain (3'5 puntu) / 4. Berriozar (2'5 puntu)