2014/11/30

2014ko Herri kirol Jaialdia


Aurtengoan ere, azken 6 urteetan bezala, burutu da eskolako gaztetxoentzako zuzendutako herri kirol jaialdia. Aurreko urteetan Araitz-Beteluko Aste Kulturalaren ekitaldi bat zen baina aurten aste kulturalarik ez egotearekin, Guraso Elkarteak, beste aktibitate batzuekin batera, bultzatu du eta azaroak 29an, Beteluko frontoian giro ederrean burutu zen.

Denera, adin desberdinetako 62 gaztetxo aritu ziren eta saioa hiru multzotan zatitu zen:
  • Ttikienak: 3, 4, 5, 6 eta 7 urtekoak. 20 ume bildu ziren eta gogor aritu ziren. Inor adina serio. Hauek koxkolekin, txingekin, kurpilarekin eta korrikan aritu ziren.

  • Ertainak: 8, 9 eta 10 urtekoak. 22 gaztetxok parte hartu zuten. Hauek ttikien lanez gain, zakuarekin ere aritu ziren. Oso bizkor denak ere.


  • Handienak: 11, 12, 13, 14 eta 15 urtekoak. Hemen beste 20 aitu ziren eta saio honetan txantxak alde batera utzita aritu ziren. Ertainen lanaren berdina burutu zuten kurpila trontzaren aldatuz.

Ondoren, indarrak berdintzeko, txokolate eta bizkotxoak banatu ziren. Ederki merezitakoak, batek baina gehiagok.

Eskerrak eman behar lagundu eta antolatu zuten gurasoei. Ea hurrengo urtean ere horrelako ikustaldi politta gozatzeko modua dagoen.
   

2014/10/05

Hasi da 2014/2015 kurtsoa


Hasi da dagoeneko kurtso berria eta neska-mutilak gogo biziz bildu dira. Batzuk berriak, beste batzuk egoera desberdinengatik utzita, baina azken batean iazko kopuruaren inguruan, hau da 20 ikasleko bueltan.

Segidan aurten parte hartu behar duten kirolarien zerrenda mailaren arabera sailkatuta:
  • Kimuak: Andere, Manex, Leire O., Oier, Unai, Aileen, Eneko eta Iban.
  • Haurrak: Josu, Beñat, Maitane, Aitor eta Mikel.
  • Kadeteak: Mattie, Jon, Leire I, Joanes, Alaitz, Julen, Alejandro eta Laura.
Garrantzitsuena ongi pasatzea, ikastea eta gure kiroletako baten griña piztea da. Dena den, ea aurtengoan txapelketan zer emateko gai diren.  

2014/06/18

2013-2014 denboraldiari agurra emateko ekitaldiak

Kurtsoko azken eguna. Halako jende pilakin segituan bukatu zen dena.
Lehenengoz txapela lortu den denboraldiaren eta are garrantzitsuago, lehenengoz 20 partaide izatera ailegatu garen kurtso amaierara ailegatzen ari da. Bukaera ezin hobea emateko hainbat ekitaldi burutu dira eta beste hainbat burutzeko daude.

  • Berroetako jaiak: Iaz bezala, aurten ere ekaina hasieran, Berroetan, bere jaietako programaren barnean, Basaburua eta Araxes herri kirol taldeen arteko saio bat izan zen. Bertan kimuak eta haurrak aritu ziren giro eta eguraldi oso onarekin. Gureak bi lehiatan garaile atera ziren baina hori zen gutxienekoa. Ondoren otordutxo bat atera zuten.
  • Kurtso amaiera: Ekainaren 12an ikastaroaren azken eguna ospatu genuen. Lehenik saio bizkor bat egin eta ondoren ahora eramateko jateko eta edateko pixka bat hartu genuen ospakizun modura.
  • Gurasoen Herri Kirol saioa: Ekainaren 15an burutu zen aurten ere saio berezi hau. Gurasoei bururatutako ekintza da eta partaidetza aldetik, bai saioan bai bazkarian, oso harrakastatsua. Lehenik gurasoen arteko konbinadako lehia bat egon zen bi taldetan banatuta. Gogor aritu ziren eta hori nahikoa ez balitz, neska-mutikoen erronkari baietzkoa eman eta haien aurka ere aritu ziren. Nahiko traba eta tranpa egon arren haurrak atera ziren garaile. Errebantxa modura soka atera zen eta jende pila bat alde batera eta beste pila bat bestera eta hor larri ibili ondoren, gurasoek bere arantzatxoa atera eta irabazi zuten, normala den bezala.
    Aritu ondoren izateko, ez dago aurpegi txarrik
  • Beteluko San Pedroak: Aurtengo jaietan ere programan jasota dago gaztetxoen herri kirol saioa. Berroetako joanetorria izan da, hau da, Basaburuako haur eta kimuen aurkako saioa izan da. Ondoren otordutxo bat izan zen taldekide eta partaide guztientzat.
    Beteluko SanPedroak: Lehia ederra erakutsi zuten, fitxaje berri eta guzti.
  • SanFerminak: Uztailaren 11an, eguerdiko 12etan, gure ttikiak ederki aritu ziren maila oso ona emanez. Iruñeko Foru Enparantzan, Sanferminetako herri kirol saio guztiak egiten diren tokian aritu ziren Ultzama, Andramari eta Irisarri taldeen aurka. Saioaren ondoren famatu ere bihurtu ziren, izan ere, ETBko Euskal Herria Zuzenean saioan agertu ziren egun berean eta Diario de Noticias egunkarian biharamonean. Beste aldetik, talde gixa ez bazen ere, Azkarateko sanferminetan herri kirol saioa egon zen uztailaren 5eko arratsaldean ere eta beste haur askorekin nahasian aritu ziren ondoren medaila jasoz.

2014/04/13

2014ko txapelketaren kronika: Araxes Txapeldun!!

2014ko Herri Kirol txapelketa bukatu da eta aurten, beste aipamen batzuen gainetik, haur mailan bi sari lortu ditugula da garrantzitsuena. Kadete mailan ere sarien zatitxo bat lortu dugu, izan ere, Ultzamako taldeari partaide pare batekin lagundu diogu eta hor ere izan dira lorpenak.
  • Kimuak: Gure gaztetxoenak meritu handiko lorpenak izan dituzte. Bat ez gainerako guztiak berriak ziren, adinez, orokorrean beste taldeekin alderatuz urte bat gaztegoak, eta hala ere finalean sailkatzeko postu batera gelditu dira. Hasierako helburua, hamar taldeetatik azkenak ez izatea zen eta meritu handiko bostgarren postua lortu zuten. Hurrengo urtean gehiago eta hobeki!.
  • Haurrak: Konbinadan, lehen lau jardunaldiak finalerako sailkapena lortzeko ziren eta lehen postua lortu zuten, nahiz eta gora-behera dexente izan egun bat edo bestean. Finalera ailegatu eta bertan, izugarrizko lan ona eginez, txapela lortu zuten, hurrengoei alde handia ateraz. Sokatiran ere saritxo bat lortu zuten, izan ere, nahiz eta beti laugarren postuan sailkatu, talde batek huts egiteagatik hirugarren postua irabazi zuten.
  • Kadeteak: Araxesko bi gaztetxok parte hartu dute Ultzamako taldea osatzeko eta konbinadan hirugarren postua eta sokatiran bigarrena lortu dute.
Taldea hazitzen ari da bai kopuru nola lorpen aldetik eta datorren urtean ere izango du ondorioa seguruenik.
Aipatu beharra da gurasoen jarrera eta emana. Benetan eredugarriak dira eta gauzak errezteaz gain bultzada ederra ematen diote kirol eta talde honi.

2014/03/17

2014 txapelketa abian

Aurtengo txapelketan ere Araxes taldeak eman du izena eta dagoeneko ere lehenengo jardunaldian parte hartu du. Talde gixa Kimuak (11-12 urte) eta Haurrak (13-14 urte) mailatan parte hartzen du, baina Kadeteetan (15-16) ere Ultzamako taldea osatuz parte hartuko du.

  • Kimuen kasuan, oso gazteak dira (10-11 urte) eta bat ez gainerako guztiak berriak dira. Helburua azkenekoak ez gelditzea da eta oraingoz betetzen ari da, eta baliteke sailkapeneko erdiko postuetara ere heltzea.
  • Haurren kasuan berriz, iaz kimu mailan lortutako bigarren postuari segida emanez, lehen hiru postuetan sartzea da helburu eta hori ere ongi bete da, izan ere, bigarren postuan daude lehenengotik segundu gutxitara eta hirugarren postua nahiko atzean utziz. Sokatiran, iaz bezala, laugarren postua gurea izango dela dirudi. Oso ongi tiratzen dute baina 80 kilo (480-401) faltan daude benetazko lehia eman ahal izateko.
  • Kadeteetan, konbinadan azken postuan hasi dira baina lehen hiruen artean sartzeko aukera badago. Sokatiran berriz, bigarren postuan hasi dira.

Ikusiko da nola bukatzen den hau dena..... oraingoz itxura ona ematen du.

2014/01/18

Aste kulturaleko parte hartze arrakastatsua

Urtero bezala, Araitz-Beteluko aste kulturalaren egitarauan sartu zen umeen herri kirol saioa. Eskolan izena emandakoak 62 izan ziren baina azaroaren 30eko arratsaldean aritu zirenak 74 izan ziren.
Adinaren arabera, hiru txandatan banatu ziren. Txanda bakoitzean bi talde lehiatu ziren ondorengo lanak eginez:
  • 3, 4, 5 eta 6 urtekoak: Konbinadan koxkolak, txingak, giza-froga eta laisterka egin zuten eta ondoren sokatiran .
  • 7 eta 8 urtekoak: Gaztetxoenen lan berdina burutu zuten baina zakua ere egin zuten.
  • 9, 10, 11, 12, 13 eta 14 urtekoak: Gaztexogoen lana berdinak baina kasu hontan trontza ere erantsita. Azken txanda honetan partaide asko zeuden eta lan luzea eta neketsua burutu zuten.

Lanak burutu ondoren otordutxo bat eta txokolatea banatu zen partaide, antolatzaile eta ikusleen artean.
Aurtengo arrakasta ikusita, bai partaide nola ikusle aldetik, datorren urtean ere berriz egingo dela ia seguru jo daiteke.